[Gentiani]

Albanalogu,

unë shkëlqyeshëm e kam vërejtur dhe pikërisht kam kërkuar që tema të bartet këtu për tu diskutuar pa prezencën dhe citimin e librave të shenjtë fetarë. Nëse do të merreshit me politikë të lartësuar, nuk do të duhej të ndodhte ti përzieni krahasimet e pushtimeve osmane, dhe vijën fetare me ato ngjarje që ndodhin sot në lindjen e afërt si dhe asimetrinë e raporteve shqiptare. Sepse janë dy palë këpucë të ndryshme nga njëra -tjetra. Gjëra qëë çdokujt që njeh njeh elementaren e zhvillimeve politike, nuk do duhej ti ndodhnin.

Le të bërtasë dhe brohorisë kush të dojë "poshtë ai e lartë ky"! Po e përsërisë që kjo temë dhe kjo çështje nuk ka të bëjë me ndarje kombëtare, por është çështje opinionesh, që ka të drejtë ti jap secili diskutues, sikur që i jep çdo individ, qofshin gjermanë, amerikanë etj. Së fundit janë shtete dhe qeveri që kanë mendime të ndryshme për këtë konflikt. Shumica e dënojnë e disa e përkrahin ofensivën ushtarake izraelite. Prandaj kur diskutojmë për lindjen e afërt, lëri anash Kosovën e Orizaren dhe shembujt e pakrahasueshëm që keni sjellur për ngjarje që diametralisht nuk përputhen me atë të cilën po e diskutojmë!

Përndryshe, shkurt shkruar, të kam kuptuar me shkrimin e parë që keni sjellur këtu, ndërsa për anonimusin tjetër "Autorin", nuk kam koment, për derisa nuk kam lexuar çka ka shkarravitur? Por edhe nëse vendosni të largoheni dielli edhe pa ty, tjetrin e tjetrin lind e perëndon. Ky është medium i hapur diskutimesh, ku zhvillohen diskutime të ndryshme, sikur në çdo medium diskutimesh dhe nuk është çështe e yte, e as imja të mirremi me atë se kush diskuton dhe prejardhejn e tyre etnike.


Lidhur me temën:

Personalisht sulmin izraelit në Liban dhe rripin e Gazës në Palestinë, e shoh si veprim i arrogant të makinerisë ushtarake , e cila gjen shkakun për 1 ushtarë të kidnapuar të filloj ofensivën ushtarake ndaj vendbanimeve civile, popullatës civile me pretekst të "luftimit të terrorizmit".

Është po i njëjti shtet - Izraeli, që fillimisht duke i bllokuar ndihmat qeverisë legjitime palestineze (nuk është me rëndësi, a quhet ajo Hamas apo si?) me rëndësi është që ajo është legjitime dhe e zgjedhur nga elektorati, presionin e vazhdueshëm, ndërhyrjes politike tek ndërkombëtarët, për ndërprerjen e ndihmave Palestinezëve, si lloj ndëshkimi për votën e tyre, qeverisë së Hamasit.

Është pikërisht shteti izraelit, i cili luan lojëra të ndyra duke vendosur kolonët e herë duke tërhequr kolonët nga rripi i Gazës, vendosjen e mureve ndarëse. Largimin nga zona dhe hyrjen në zonën e vendbanimeve palestineze, vrasjet e qëllimshme, që i jep për luks vehtes sa herë të dojë në pretekst të luftimit të "terroristëve". Dhe në gjitha këto sjellje dhe veprime, është qartë që reagojnë edhe palestinezët nga ana tjetër, qofshin ata ekstremistë e qofshin ata që i takojnë krahut të moderuar.

Me një fjalë shteti izraelit i ka shkelur të gjitha konventat ndërkombëtare dhe ka kryer dhe kryen krime kundër njerëzimit me ndihmën e SHBA-ve - bllokimi i rezolutave në KB , këte e pohon edhe ministrja gjermane Heidemarie Wieczorek-Zeul.

Pra konflikti nuk ka karakter fetarë, por çështje teritoresh. Izarelitët janë të vetëdijshëm, që në 20 vjeçarin e ardhshëm do të ballafaqohen në radhë të parë me mungesën e ujit të pijes për popullësinë e tij - shih për këte e mban të okupuar rrafshnartën e Golanit, pjesë e okupuar e Sirisë dhe me gjitha këto veprime dhe provokime ushtarake ndaj vendeve fqinje arabe, me qëllim të mbajtej së status-quosë në ato territore të pushtuara.

Politika aktuale izraelite, po të ishte e mençur, sikur që nuk është do të krijonte paqen me vendet arabe, sepse është e vetmja mënyrë që i garanton ekzistimin e përhershëm atij si shtet në atë rajon, të cilit vehtë i ka kontribuar të shikohet si armik i përbetuar i atyre vendeve përreth.

Kokat e mençura izraelite, të cilët kanë qenë edhe komandant të suksesëshëm të ushtrisë izraelite në konfliktin arabo-izraelit, sikur rasti i Jitzak Rabinit, janë vrarë në atentate nga vehtë izraelitët, sepse si duket nuk janë të interesuar për paqe!

Në aspektin ushtarak si "fuqi atomike", izraeli luan lojën e fëmijës që fryen muskujt, kur ka ndonjë të rritur afër. Territorialisht me një sipërfaqe, dy herë më i madh se Kosova dhe sipërfaqen e okupuar sa gjysma e Kosovës, nuk është shtet i madh që do të mundej ti përballonte sulmit të vendeve arabe, edhe pse ushtarakisht janë në disproporcion të madh me fuqinë ushtarake izraelite në rajon.

Shimon Peres, ministër i punëve të jashtme të Izraelit, në një intervistë të tij, pati deklaruar, në rast të ndonjë sulmi të mundshëm atomik ndaj izraelit, për gjysmë ore shteti izraelit mundet të fshihet nga faqja e dheut, sepse nuk ka territor dhe hapësirë ta përballojë atë. Përderisa në të kundërtën me atë potencial atomik, që kanë ata , nuk do të mundeshin të asgjësonin kundërshtarët e tyre arabë.

Dhe nga gjitha këto veprime dhe arrogancë e tyre ushtarake në rajon, ka shtyrë vendet përreth ti hyjnë garës në teknologjinë bërthamore, ishte rasti i Irakut, tani i Iranit dhe e gjithë kjo, nëse shkon sipas logjikës që ndjekin izraelitët, edhe nëse shkon dhe zgjatë shumë kohë, një është e sigurtë, që nëse nuk e ndryshojnë diskursin politik dhe vendosjen e paqes me shtetet fqinje përreth, atëherë ... atëherë projektili i parë bërhamorë që u vjen në dorë shteteve arabe, sigurisht se do të përfundojë në shtetin izraelitë dhe kësaj u janë të vetëdijshëm izraelitët po edhe SHBA.