[Arb]

Protestuesit kërkojnë pavarësi ose ballafaqim me dhunë

Prishtinë, 24 korrik- Lëvizja Vetëvendosje me shoqatat e dala nga lufta, me partitë LPK-në e LKÇK-në, dhe disa qindra ithtarë të tyre kanë protestuar sot në sheshin Skënderbeu, para dyrve të qeverisë së Kosovës, në kërkim të të drejtës së populit shqiptarë për vetëvendosje duke kundërshtuar pjesëmarrjen në negociata.

Shumica e folësve kanë drejtuar kritika nga më të ndryshmet për institucionet e Kosovës, krerët e shtetit dhe pjesëmarrësit tjerë në delegacionin për bisedime në Vjenë.

Adem Demaçi ndërsa, i ka bërë një apoteozë luftës së fundit në Kosovë, UÇK-së, atë e ka quajtur vazhdimësi të Luftës Nacional Çlirimtare. LNÇ-ja është emërtimi i grupeve që luftonin të bashkuara rreth të majtës, përkatësisht partive komuniste.

Ai tha se bashkëqsia ndërkombëtare nuk duhet ta sjellë popullin shqiptarë në pozita të padëshiruara sepse "jemi të gatshëm për sakrifica". Ai më pas ka elaboruar pikëpamjet politike të tija, duke thënë se në Kosovë nuk ka ndjenjë kundër pakicave dhe asfarë lufte, duke përkujtuar se edhe gjatë luftës së fundit, ajo ishte e drejtuar "kundër çetnikëve".

Ai u bëri thirrje shteteve perëndimore që të mos i shpërblejnë ata që shtypen, bënë masakra dhe dhunë të vazhdueshme ndaj shqiptarëve me territore, në emër të decentralizimit dhe trashëgimisë kulkurore.

"Nuk mund t'u falen komuna e territore, rreth kishave, sepse këto do të nxisin gjakderdhje të reja", tha ai. Demaçi është ankuar se bashkësia ndërkombëtare gjatë gjithë historisë po bën eksperimente vetëm me shqiptarët.

"Ky popull e do lirinë, sovranitetin", tha ndër të tjera Demaçi, i cili për Beogradin tha se është çerdhe e prodhimit të terrorizmit, edhe për Irakun dhe vendet tjera të konfliktit në botë. Emrush Xhemajli, deputet i LPK-së dhe kryetar i kësja partie, ka kritikuar ashpër institucionet për shkuarjen e tyre në negociata, duke vlerësuar se takimi po mbahet në kundërshtim me rezolutën e miratuar nga Kuvendi i Kosovës në fund të vitit të kaluar, për njohjen e vullnetit të popullit për vetëvendosje.

Ai akuzoi se asnjëri nga anëtarët e Ekipit Negociator nuk raporton për negociatat në Kuvend, por këtë e bënë secili në partinë e vet. Ai e ka përmbyllur fjalimin e tij me thirrjet, "Jo kolonizmit modern', "Jo negociata". Ismajl Latifi, kryetar i LKÇK-së, akuzoi ekipin, se në Vjenë ka shkuar të diskutojë për statusin me "armiqtë e Kosovës".

"Nuk duam ta negociojmë të drejtën për liri e vetëvendosje", tha ai. Latifi Vjenën e quajti, shembull të tjetërsimit të kaluarës tonë, të historisë e të kulturës". "Negociatorët e lirisë janë vetëmohuesit e saj", tha ai.

Albin Kurti, udhëheqës i Lëvizjes Vetëvendosje, tha se Kosova po palestinizohet e bosnizohet. Sipas Kurtit, negociatat po mbahen për rrudhjen e territorit të Kosovës, tashmë të rrudhur sa herë, ndërsa ka rikujtuar se dikur populli shqiptar shtrihej deri në Nish.

Ai tha se në mesin e anëtarëve të Ekipit negociator, ka që po na gënjejnë qe 17 vjet dhe të tjerë qe shtatë vjet, të parët me kërkesën për njohjen formale të pavarësisë dhe të dytët se po presin njohjen zyrtare.

Ai tha se qeveria e Kosovës është vetëm një departament i UNMIK-ut. Ai tha se shembull i qeverisjes pa pushtet janë, ministri i Energjisë dhe Minierave, Ethem Çeku, që nuk kontrollon as KEK-un as Trepçën dhe ministri i Transportit dhe Telekomunikacionit, Qemajl Ahmeti, që nuk i kontrollon as hekurudhat, as aeroportin dhe as postën, ata janë aty që të punësojnë vetëm familjarët e tyre, tha ai.

"Politikanët nuk guxojnë kurrë të shkojnë në negociata pa ushtri. Ata po e lusin Serbinë të na jep pavarësinë, ndërsa prani ndërkombëtare është maskim i kësaj lutje", tha Kurit.

Deri tash thanë se po negociojnë vetëm çështje teknike, e për negociatorët çështja e territorit është teknike. Ai tha se me decentralizimin po tentohet të krijohet një republikë serbe.

Ai tha se kishat dhe manastiret nuk janë serbe, ndërsa negociatorët tanë kanë pranuar t'i quajnë ashtu dhe të krijojnë territore të paprekshme pranë tyre, duke mos lejuar as gërmime arkeologjike dhe kështu të mundësojnë falsifikimin e historisë.

"Dhe kështu po pretendohet të bindet bota, se art, kulturë dhe histori kanë krijar serbët, ndërsa ne po vihemi në pozita të ardhacakëve", tha ndër të tjera Kurti.

Edhe deputetët Gjergj Dedaj, i PLK-së, Xhevat Bislimi i PDK-së, kanë kundërshtuar negociatat e Vjenës, ndërsa nga Kuvendi kanë kërkuar të mblidhet për ta shpallur Kosovën të pavarur dhe sovrane.

Protestët i ishin bashkangjitur edhe shoqatat e personave të pagjetur, të cilët thanë se nuk e kanë harruar për as një çast as fatin e ardhshëm të Kosovës, pavarësisht dhembjes dhe kërkimit të pandërprerë të të afërmve ë zhdukur.

Ata thanë se deri më tash kanë siguruar vetëm dy adresa, atë se kush janë kriminelët dhe ku fshihen ata, por jo edhe ku i kanë të afërmit e tyre. Protesta ka filluar me thirrjet UÇK, Vetëvendosje dhe po me ato ëhstë mbyllur pas dy orësh, ndërsa ka pasur edhe thirrje për rrëzimin e qeverisë. Organizatorët kanë paralajmëruar se do të vazhdojnë me protestim edhe në të ardhmen.

QIK-u