[4peace]

*

Përshëndetje
Edhe unë pajtohem me atë që kishte cekur Gentiani. Jo pse këtë e ka thënë ai por pse ashtu është.

Meqenëse edhe unë i bie kësaj rruge për të satën herë, më ka rënë në sy kjo: Mund t’i kuptoj ata që jetojnë në Maqedoni, Luginë si dhe vendet/qytetet veriore që janë afër Sërbisë e kalojnë nëpër Sërbi por jo krejtësisht edhe ata që jetojnë afër Shqipërisë (Pejë, Gjakovë, Prizren…). Madje tash është bërë problem edhe vet Kosova. Të udhëtosh nëpër Kosovë, që nuk i arrin as 200 km së kaluari prej një skaji në tjetrin, duhet paguar 50.-€. (50.- € kushtojnë taksat rrugore nëpër Austri, Slloveni, Kroaci e Sërbi së bashku).
E tash dikush mund të thojë „çka janë 50 € kur ato i dedikohen Kosovës“? Janë shumë, para së gjithash kur dihet që ato edhe keqpërdoren. Këtë shumë mund t’ia falësh ndonjë të varfëri (e të tillë po ka gjithnjë e më shumë). Të mos e përmendi sa të holla mund të kursehen nëse i bihet tjetërkah „vetëm për inati të ‚shkinisë’“.

Edhe një gjë: Edhe vet pjesëmarrësit (disa) në këtë forum që prononcohen kundër këtij udhëtimi jam i sigurtë se i biejnë kah shkinija e këtu pohojnë ndryshe (pse ashtu duhet!).
Na pëlqeu apo jo, kësaj rruge i biejnë pjesa dërmuese e shqiptarëve, na pëlqeu kjo apo jo. Madje edhe më keq. Tash qenka hapur edhe aeroporti i Nishit. Me çmime shumë të volitshme. Udhëtarë (kryesisht shqiptarë) sa të duash.

Kësaj radhe nuk pat rast kolonash të mëdha ku mund t’i shohësh e ndëgjosh shumicën duke folur shqip por mund t’i dallosh edhe në mënyrën e të voziturit. Udhëtojnë kryesisht në grupe (disa automjete njëri pas tjetrit). Kësaj radhe më ranë (veçanërisht) në sy 6 veta, të gjithë më makina BMW të të njëjtit tip.

Kësaj radhe, në të kthyer (nëpër Sërbi) e kisha edhe një të afërm timin me vehte. Ky u habit si nuk e lash asnjë lek në Serbi (pos benzinës dhe tatimit për autostradë). Pra as një lek ryshfet, siç e kanë zanat disa, as në Serbi, as Kroaci e as Slloveni…

Kjo pra s’ka të bëjë dot me patriotizëm a “patriotizëm”. Fundja, “të gjitha rrugët çojnë (në)për Romë”, me këtë rast nëpër Sërbi. Për këtë ‘kujdeset’ “udha e Frengut” (hekurudha) dhe rruga (autostrada) që shkon paralel me të prej Evrope e deri në Athinë o Stamboll, e që është ndërtuar para më se 100 vite. E, nëse e çojmë me inati, atëherë më inat i madh se ta anashkalosh Sërbinë e të zbarkosh në Kosovë e të freskohesh me pije serbe NUK KA.


Kaloni bukur!



***