[Domira]

Botuar në ”BOTA SOT” me 30.07.2006
ATA E DUAN SHQIPËRINË, POR I URREJNË SHQIPËTARËT

Shqipëria gjithnjë çohet peshë pikërisht në ”çastet e liga të hisorisë”, pikërisht në pikat kulminante të ngjarjeve dhe datave vendimtare historike për Kosovën.

Teki Dërvishi

Ja, filluan atentatet politike në Shqipëri. Atentatet politike dhe morale i paraprijnë revolucioneve, grushtshteteve!
Si u vra Gramoz Pashko?
Janë në fazën fillestare hetimet, ndaj nuk ka si konstatohet ende, një orë a pak më shumë se çasti kur dy Premierët, Çeku dhe Berisha, zbritën nga helikopteri i Presidencës, ai shpërtheu me Gramoz Pashkun diku ujrave të Adriatikut. Del se kurdisja s’ishte precize për një orë e pak më shumë, dhe; vend atyre për të cilët ishte kurdisur bomba, e pësoi dikush tjetër, Gramoz Pashku.


1.(Prap ”çastet e liga”)
Për këso lloj ”rastësish” analogjizmat rrjedhin vetëm nga logjika dhe jo faktet e dëshmuara, ndaj konstatimet kategorike janë të papranueshme.Nuk mund të prejudikohen shkaqet e shpërthimit të helikopterit, madje edhe sot, kur atentatet paralajmërohen pikërisht nga tribuna e parlamentit. Duke heshtur analogjizmat logjike, të rrezikuarit provojnë të mos i fryejnë zjarrit që ka kapluar situatën dramatike politike, ndaj heshtin.
Po, sidoqoftë, kronika e ngjarjeve ”parlamentare” e dëshmon me kokfortësi faktin se situata është patentuar nga majtistët që e kanë përgaditur skenarin e krizës permanente shqiptare dhe sipas modelit perfid, tashmë të stërnjohur, greko-sllav.
Prodhuesit e krizës që e bëjnë fabrikë të saj Parlamentin Shqiptar, tashmë janë të njohur dhe banalisht publik, në mos për asgjë tjetër, së paku për shkak të fakteve kokëforta, se ata, kësaj drame të sotme, nuk i bëjnë preformancë, premierë, por e reprizojnë për herën e tretë gjatë kohës së transitit ”politik” shqiptar të pasdiktaturës, përkatësisht pas konvertimit ideologjiktë tyre që ndodhi si domosdoshmëri për të ekzistuar politikisht.

2. (Duart e përgjakura)
Por nëse nuk mund t’i konkludojmë duke emëruar shkaqet dhe akteret e atentateve politike, etëherë mund të konkludojmë diçka tjetër, madje edhe të konstatojmë kategorikisht: Shqipëria gjithnjë çohet peshë pikërisht në ”çastet e liga të historisë” pikërisht në pikat kulminante të ngjarjeve dhe datave vendimtare historike për Kosovën.
Sa herë e sa herë në Kosovë ndidhin ngjarje të rëndësishme me përmasa të ndërkombëtarizimit të çështjes së drejtë të historike dhe politike të Kosovës, në Shqipëri dalin në sipërfaqe ish-djemtë e Enverit dhe kërcënojnë me ”dhunën e rrugës”, me vrasje politike, me rebelime revolucionare makiaveliste, me ”zgjedhje” problemesh të referencave dhe modeleve tragjike të ”Revolucionit Bolshevik” të 97-shit. A ndodhë kështu rastësisht apo ç’i thonë rastësisë kur përsëritet ”rastësi”?
Çamëri, Maqedoni, Luginë e Preshevës, Mal i Zi, Kosovë a Shqipëri, ”çështja shqiptare” zgjidhet ”në paket”, kështu ka thënë një personalitet suprem botëror pikërisht në një seancë të OKB-së. Le ta quajmë këtë çështje ”në paket” si një ”integrim ballkanik me Evropën”, por pasaporta duhet ta ketë ipersiumin e shtetit apo shteteve të barabarta ballkanike.Ndaj Bolshevikët duhet të fabrikojnë trazira politike dhe gjakderdhje në mënyrë që pasaportit shqiptar të vazhdojnë ti kërkojnë viza për në Evropë.

3. (Feudalët, klerikët dhe bolshevikët)
Në se grushtshteti 97-shen është quajtur ”Revolucioni Bolshevik”, si mund ta quajmë Revolucionin e Verës 2006, përpjekjes për grushtshtet midis Parlamentit?! A do të insatlohen gijotinat majtiste të eurokuminizmit, bythekuqëve në disa qarqe evropiste me influencë dhe kapital të madh, të cilat finacojnë dhe frymëzojnë Revolucionet Sovjetike në shtetin shqiptar pikërisht në kohën kur del në pah zgjidhja e çështjeve kruciale politike të Kosovës. A ekzistojnë a jo konflikte permanente të fshehta në sferat e politike ndër superfuqitë, ndaj kush po do ta bind botën se shqiptarët, lëre që nuk kanë vetëdije shtetformuese, por edhe atë fije shteti që e kanë, në mënyrë permanente punojnë për ta rrëzuar dhe asgjësuar!
Bolshevikët ishin komunistë, që do të thotë ateistë. Majtistët e sodit deklarohen haptas kundër komunizmit, pra tash janë vetëm socialistë, dhe demokratë madje, janë atesistë por më shumë se kaq. Zoti tyre ka emër, ju e dini si quhet, dhe karateristika e zotit tyre ka natyre oligarku njëkokësh, monist, ortodoks.
Ata e duan shumë Shqipërinë, por i urrejnë shqiptarët. Shqipërinë e duan t’ia falin grekut, kurse shqiptarët i urrejnë nga çasti kur ata nuk pranojnë të jenë as grekër as serb, si idolet e tyre Goran Bregoviq e Melina Merkuri.