[Arb]

Shqiptarët, midis më pak të lumturve në Botë

Shëndeti, pasuria dhe edukimi duket se mungojnë tek shqiptarët, që i kanë vënë në fund të listës së lumturisë

Një sondazh i kryer Adrian White, një socio–psikolog në Universitetin e Licesterit në Angli, nga ka nxjerrë se populli shqiptar është një nga pak më të lumturit në të gjithë botën. Adrian White ka përgatitur “Hartën e Lumturisë në Botë”, për të gjitha vendet. Sipas hartës së pregatitur nga profesori i universitetit, tre janë faktorët kryesorë në lumturinë e njerëzve: shëndeti, pasuria dhe edukimi.

Pyetësori

Psikologu i Universtetit të Licesterit, Adrian White ka udhëtuar në shumë vende të botës, për të konfiguruar hartën e lumturisë së botës. Ai ka udhëtuar në vende të pasura dhe të varfëra dhe gjatë marrjes në pyeteje të njerëzve të ndryshëm, ka rezultuar se ata që jetojnë në një gjendie ekonomike të vështirë, në vende me të ardhura të ulta për frymë, lumtuaria kishte një nivel të ulët në gjendjen shpirtërore të banorëve. “Kur pyetëm njerëzit nëse janë të lumtur me jetët e tyre, njerëzit me kujdes shëndetësor të mirë, me një GDP të lartë, dhe me një edukim të mirë duken se janë më të lumtur”, ka thënë White gjatë një interviste.

Për Shqipërinë

Adrian White, socio–psikolog, ka thënë për Shqipërinë se “duke parë gjendjen e këtij vendi, shumë e varfër në të tre kategoritë, nuk është ndonjë surprizë që në “Tabelën e Ligës së Lumturisë në Botë” të radhitet në vendin e 157-të”. Por edhe Shqipëria ka lënë mbrapa një sërë vendesh të tjera. Nga vendi i 157-të, ku gjendet vendi ynë, nuk na ndajnë shumë numra me vendin e fundit, në të cilin gjendet Burundi, që rezulton të jetë në vendin e 178-të të Hartës së Lumturisë së Botës. Sipas Hartës së publikuar, në vendet e para ndodhen disa vende evropiane, kryesisht vendet Skandinave, si dhe të qendrës së kontinentit të vjetër.

Në vendin e parë të listës së popujve më të lumtur ndodhet Danimarka, e ndjekur nga Zvicra në vend të dytë, Austria në vendin e tretë. Më pas në listën e popujve më të lumtur janë: Islanda, Bahamas, Finlanda, Suedia etj. Shtetet e Bashkuara të Amerikës ndodhen në vendin e 23-të të popujve më të lumtur në botë, larg nga fqinjët e tyre kanadezë dhe mbrapa vendit të vogël, Brunei. Ndërkaq, në mesin e Tabelës së Lumturisë ndodhen vendet e mëdha, si Anglia, në vendin e 41-ë, Itali në të 50-in, Franca në vendin e 62-të etj. Pak vende para nesh ndodhet shteti fqinj, Maqedonia, që është në vendin e 146-të. Në një sondazh të bërë disa kohë më parë nga kompania “Gallup”, shqiptarët ishin një ndër popujt më pesimistë në Botës. Vendi ynë renditej në 5 vendet më pesimiste, nga 51 shtete ku u shtri sondazhi për pesimizmin e popujve.

FShqiptar