[uck_aksh]

qfar duan grat:
Një mashkull të kujdesshëm, të ëmbël dhe të pasur Doni ta kënaqni gruan tuaj? Dëgjojeni, mbusheni me përkëdheli dhe çojini në shtëpi të paktën dy të tretat e rrogës. Kujdes, dashuri dhe para. Ja përmbledhja me tre fjalë kyçe e recetës që një martesë t’ia dalë mbanë. Këtë e mbështesin dy sociologë të Universitetit të Virxhinias, të cilët kanë rrëmuar në fund të shpirtit femëror duke premtuar t’ia dilnin në atë ku edhe vetë Frojdi dështoi, të kuptonte se "çarë duan gratë". Kjo është një dilemë e vjetër thuajse sa bota: çfarë nevojitet për ta bërë një bashkëshorte të lumtur? Për hulumtimin e ri të sociologëve Bradford Wilcox dhe Steven Nock, i sapobotuar në revistën "Social Forces", zonjat priren më së shumti drejt një mashkulli paksa "New Age". Nga njëra anë, e aftë të krijojë marrëdhënie emocionale me rolin e gruas, por nga ana tjetër akoma më shumëtradicionale.

Dhe mbi të gjitha prurëse dhe furnizuese e pjesës më të madhe të të ardhurave të çiftit. Një shqelm pra feminilitetit, atij prototipi të viteve ‘70, ’80 dhe ’90 të "partnershipit mes të barabartëve", identikë deri në detaje, të gatshëm për të ndarë 50% detyrimet dhe të drejtat në shtëpi dhe jashtë saj: gratë e sotme, sipas hulumtimit, i cili ka marrë në shqyrtim mbarëvajtjen e 5.000 çifteve nga pikëpamja e bashkëshorteve, as që duan t’ia dinë në i lanë enët apo a gatuan burri. Ose më mirë: nëse e bëjnë një gjë të tillë, është këndshëm dhe pranohet, por nuk është e domosdoshme. Kryesore për shëndetin e martesës është prania emocionale e partnerit. Në vend të dytë, në rend sipas rëndësisë së recetës për një lidhje të artë, studimi nxjerr mirëqenien ekonomike të burrit: nëse të ardhurat e burrit mbulojnë dy të tretat e nevojave familjare, zonjat janë më të qeta. Dhe më tej: bashkëshortet më të kënaqura rezultojnë ato që punojnë në shtëpi, që ndajnë me partnerin impenjimin që martesa të funksionojë sa më mirë, si dhe kur kanë të njëjtin besim fetar. Përsa i përket seksit, po pati, më mirë, përndryshe mund të bëhet dhe pa të, ose ta kërkojnë tjetërkund. "Nocioni se çfarë e bën të lumtur një martesë ka ndryshuar vazhdimisht gjatë njëqind viteve të fundit", ka vëzhguar Wilcox, "një shekull më parë, për gratë e rëndësishme ishte që burri të ishte një punëtor i fuqishëm; pastaj erdhi nevoja e një qëndrimi të barabartë brenda çiftit; sot kërkesa kryesore për mashkullin duket se është me karakter të dukshëm emocional". Këtë studim nuk e quan aspak të rëndësishëm Stephanie Coonts, autore e librit "Martesa, historia e saj nga përulja tek intimiteti". Sipas saj, e gjitha kjo thjesht tregon se gratë janë më të lumtura kur bëjnë atë që duan individualisht, si të punojnë në shtëpi, por edhe jashtë saj. Por, për Steven Nock, profesor sociologjie dhe bashkautori i studimit, ka një të dhënë të re dhe të paqenë më parë: "Bashkëshortet duan të trajtohen në mënyrë të barabartë, gjë që nuk do të thotë aspak ‘njëlloj’".