[Fshatari]

GNK: Procesi i statusit përfundimtar të Kosovës mund të dështojë nëse vendimi do të shtyhet shumë
PRISHTINE (11 Nentor) -Grupi Nderkombetar i Krizave deklaron se procesi i statusit përfundimtar të Kosovës mund të dështojë, nëse vendimi do të shtyhet shumë gjatë vitit 2007. "Situata relativisht e qëndrueshme e vitit të kaluar në Kosovë nuk duhet të inkurajojë komunitetit ndërkombëtar të besojë se ka mundësinë të qetësojë dy palët, shqiptarët dhe serbët", ka deklaruar Aleks Anderson, Drejtor i projektit të Grupit të Krizave për Kosovën. “Është e rëndësishme që procesi të mos shtyhet në kohë pas 21 janarit,“ theksoi ai, pasi shtyrja do të hapte një kapitull të ri destabilizimi në rajon.

“Sa më gjatë që shqiptarët e Kosovës do të detyrohen të presin, aq më shumë shtohen mundësitë që ata të humbin besimin e ndërkombëtarëve duke shpallur në mënyrë të njëanshme pavarësinë apo duke shkaktuar trazira të reja,“ shprehet Anderson. „Strategjia e Ahtisaarit për sigurimin e statusit të vendit përmes Këshillit të Sigurimit është e dykuptimtë, kështu që SHBA-ja dhe BE-ja duhet të shmangin këtë situatë duke krijuar siguri,“ perfundon Drejtor i projektit të Grupit të Krizave për Kosovën. (RTK/BalkanWeb)