[Albanian eX|PerT]

Postimi origjinal është bërë nga Arb

Një shkollë në Tiranë merr emrin e Presidentit Ibrahim Rugova

Prishtinë, 13 nëntor - Një delegacion i Ministrisë së Arsimit dhe Shkencës së Shqipërisë, i i kryesuar nga zv/ministri Halil Shamata i shoqëruar nga zv/ministri i MASHT të Kosovës Fevzi Berisha, takoi familjen e Presidentit Rugova dhe e njoftoi se një shkollë e Tiranës, më 22 nëntor do të emërohet me emrin e Ibrahim Rugovës Drejtori i Drejtorisë së Arsimit i Qarkut të Tiranës Tasim Mema i dorëzoi familjes Rugova ftesën për të marrë pjesë në ceremoninë e 22 nëntorit dhe tha se nxënësit, mësimdhënësit, prindërit dhe shqiptarët e Shqipërisë kanë nderin që po i vënë shkollës emrin e kolosit letrar e politik, Presidentit të parë të Kosovës.

Zonja Fanë Rugova, në emër të familjes falënderoi delegacionin shqiptar dhe tha se ndihet e nderuar që Tirana dhe Shqipëria po emërojnë shkollën me emrin e Ibrahim Rugovës. "Presidenti ka qenë dashamirës i madh i arsimit dhe Kosovën e ka pavarësuar përmes shkollës dhe arsimit", tha zonja Rugova.

Ajo shprehu mirënjohjen e thellë për zv/ministrin Shamata dhe Ministrinë e arsimit të Shqipërisë. Zoti Shamata njoftoi familjen Rugova se në shkollën që do të emërohet do të vendoset edhe busti i Presidentit. "Shqipëria me këtë hap po nderon veten dhe një figurë emblematike e kurrë të harruar shqiptare. Emërimi i shkollës në Tiranë me emrin e Ibrahim Rugovës është një ditë e madhe për shqiptarët dhe arsimin në Kosovë e Shqipëri", tha Shamata.

Përfaqësuesi i Zyrës diplomatike të Shqipërisë në Kosovë Arben Çejku siguroi familjen Rugova se organizimi i ceremonisë është nder i autoriteteve shtetërore shqiptare dhe i ftoi ata që ta nderojnë Shqipërinë me pjesëmarrjen e tyre në Tiranë.

QIK-u

Urime!....