[pokeri]

Matjet e bëra më 24 dhjetor 2004.
Vlerësimet e para të përplasjes, të bazuara në në një numër më të vogël matjesh të pozitës së asteroidit ishin 1:233, që këtë ngjarje e vendosnin në shkallën 2 të rrezikshmërisë, sipas Shkallës së Torinos (që ka nivelet vlerësuese prej 1 deri në 10 të rrezikshmërisë).
Kjo ishte hera e parë që një asteroid kishte marrë vlerësimin më të madh se 1.
Matjet e reja (64 matje) sollën deri te korigjimi i Gjasës së përplasjes në proporcionin 1:62 (1.6%), ndërsa niveli në Shkallën e Torinos, arriti shifrën 4.
Në bazë të matjeve të shkëlqimit, dhe parashikimit që albedo e këtij trupi është i njejtë me albedon e asteroidëve të tjerë, të afërt me Tokën, dimensioni i tij u vlerësua të ishte 440 m, ndërsa masa (me dendësinë e vlerësuar prej 2.6 g/cm3) në 120 milion tonelata.
Më 25 dhjetor, gjasa e përplasjes rritet në 1:42 (2.4%), ndërsa ditën e njejtë, në bazë të 101 matjeve, gjasa zvogëlohet në 1:45 (2.2%). Ndërkohë, dimensioni i vlerësuar i asteroidit bie në 390m, ndërsa masa në 83 milion tonelata.
Më 26 dhjetor, në bazë të 169 vrojtimeve, gjasa e përplasjes akoma ishte në 1:45, mirëpo vlerësimet e dimensionit dhe masës zvogëlohen në 380m dhe 75 milion tonelata.
Në bazë të 176 matjeve, gjasa e përplasjes më 27 dhjetor sërish rritet në 1:37 (2.7%), ndërsa dimensioni dhe masa kthehen në 390m dhe 79 milion tonelata.
Më në fund, më 27 dhjetor pasdite, pasiqë asteroidi u gjet në fotografi të 15. marsit të viti 2004, dhe u krahasuan me fotografimet e reja, llogaritja e kahjes bëhet shumë më e saktë, dhe gjasa e përplasjes në
vitin 2029 bie në 0.004%.
Asteroidi sipas të gjitha gjasave do ta huq Tokën për rreth 58 000 km.