[Marco]

Postimi origjinal është bërë nga Dilaver

Suspendohet Lushtaku

Gjeneral Nuredin Lushtaku edhe një herë është suspenduar nga detyra e komandantit të Gardës së TMK-së. Ai nuk ka pranuar të zbatojë urdhrin që ushtarët nën komandën e tij të marrin pjesë në ceremonitë në përkujtim të njëvjetorit të vdekjes së ish-presidentit Ibrahim Rugova.


Jeton Musliu

Prishtinë, 23 janar - Nuredin Lushtaku është suspenduar sërish nga detyra e tij si komandant i Gardës së Trupave Mbrojtëse të Kosovës (TMK).
Sikurse plot një vit më parë, edhe kësaj radhe shkas për këtë është bërë ceremonia e nderimit në njëvjetorin e vdekjes së ish presidentit Ibrahim Rugova.
Nuk dihet saktë se sa ditë do të kalojë Lushtaku larg detyrës së tij si komandant, por dihet se shkas për këtë suspendim është bërë moszbatimi nga ana e tij i urdhrave të dhënë.
Lushtaku nuk ka pranuar që të dërgojë ushtarët e gardës për të bërë nderime ceremoniale me rastin e njëvjetorit të vdekjes së ish-presidentit Rugova.
Një fakt të tillë për suspendim nga detyra, për Express e pohon edhe vetë gjeneral Nuredin Lushtaku, edhe pse në të njëjtën kohë ai nuk jep shumë sqarime.
"Është ashtu diçka, por për më shumë ju tregon Shtabi I Përgjithshëm i TMK-së", thotë gjeneral Lushtaku për Express.
Ai nuk pranon të japë hollësi, përveç që lë të nënkuptohet se shkas për suspendimin e tij është bërë njëvjetori i vdekjes së Rugovës.
"Ka ndoshta diçka në këtë drejtim, por njëherë nuk kam vendosur të them asgjë", shprehet komandanti i Gardës së kësaj trupe.
Por, derisa Lushtaku nuk jep shumë sqarime rreth kësaj situate, ende më të mbyllur janë zyrtarët për informim të Shtabit të Përgjithshëm të TMK-së.
Edhe pse këtyre zyrtarëve u janë kërkuar gjatë tërë ditës së martë shpjegime për këtë rast, ata nuk kanë pranuar të kthejnë asnjë përgjigje.
Ndërkohë, duket se më lehtë përgjigje japin vetë drejtuesit kryesorë të institucioneve
përkatëse.
Komandanti i përgjithshëm i TMK-së, gjenerallejtënant Sylejman Selimi, thotë për Express se ende nuk dihet vendimi i saktë në lidhje me këtë çështje.
Sipas tij, tash për tash nuk mund të thuhet asgjë, derisa nuk është marrë një vendim definitiv.
"Vendimi nuk dihet ende, pra nuk ka diçka definitive, për këtë nuk mund të them asgjë", shprehet për Express gjeneral Selimi.
Ai nuk pranon të tregojë se edhe për sa kohë gjeneral Nuredin Lushtaku do të mbetet i suspenduar, duke treguar se derisa nuk është marrë vendimi, nuk mund të thuhet asgjë.
Por, burime të gazetës brenda TMK-së tregojnë se, sikurse një vit më parë, suspendimi i Lushtakut edhe kësaj here është bërë për shkak se ai nuk ka pranuar që ushtarët nën komandën e tij të nderojnë varrin e ish-presidentit Ibrahim Rugova.
"Ai nuk ka pranuar ta bëjë këtë bashkë edhe me një pjesë të ushtarëve të gardës", tregon burimi i besueshëm i Expressit.
Ceremonia për nderim të Rugovës në njëvjetorin e vdekjes së tij, është organizuar nën patronatin e zyrës së presidentit aktual të vendit, Fatmir Sejdiu.
Në bazë të protokollit zyrtar, është dashur që para varrit të ish-presidentit të qëndrojnë
pjesëtarë të Gardës ceremoniale të TMK-së me uniformat e tyre të kuqe dhe zinxhirët ngjyrë ari.
Por, në fakt gjatë të gjitha ceremonive ushtarët me uniforma të kuqe dhe dorëza të bardha, nuk janë parë askund. Në vend të tyre, të gjitha detyrat i kanë kryer disa ushtarë të tjerë, të cilët kanë pasur uniforma të gjelbra, por me emblemën e TMK-së.
E njëjta situatë është krijuar edhe vitin e kaluar, kur në vend të pjesëtarëve të trupës ceremoniale të TMK-së është dashur që pranë arkivolit të Rugovës të vendosen disa ushtarë të tjerë.
"Në atë kohë kemi shkuar te disa dyqane që tregtojnë fustane dhe kemi marrë dorëzat e bardha, në mënyrë që të mos vihet re ndryshimi", tregon për Express një zyrtar i lartë në TMK.

Ëëë ëëëëëëëëëë Po keq kokan hi qita ma nalt , Nga TMK_ja e ka hjek per qeshtje mos zbatimit urdhnave, bile qishtu kan dal shum ku po ja hupin graden TMK_së si dhe UCK_se , psh : Banesa kur i thejshin mos e prek UCK ...