[Vin-Diesel]

Bexhet Pacolli: Do te negocioj me Mosken per Kosoven

Kryetari i Partisë Aleanca për Kosovën e Re (AKR), Behxhet Pacolli ka deklaruar se është i gatshëm të ndërmjetësojë lidhur me qëndrimin e Rusisë për zgjidhjen e statusit të Kosovës, nëse një gjë e tillë kërkohet nga udhëheqësit e aktualë vendorë në Kosovë. ...

Pacolli që nuk e ka fshehur edhe dëshirën e tij për t’u bërë president i Kosovës, ka deklaruar gjatë një interviste se do të ndihmojë të bindë Moskën për të mos ndalur pavarësinë e Kosovës.

Por Pacollli ka kërkuar që për një gjë të tillë t’i jepet mandate nga krerët e Kosovës që po merren me cështjen e statusit.(ne Honkshin Politikanet me e bo kete Kryetar haha.)

Pacolli është një nga biznesmenët më të mëdhenj kosovarë që operon jashtë vendit të tij.

Aktualisht Pacolli me kompaninë e tij ka arritur të rikonstruktojë ndërtesat kryesore qeveritare në vendet ish sovjetike, përfshi edhe vete ndërtesën e Kremlinit.

Nuk dihet se sa ndikim mund të ketë Pacolli në administratën e Putinit, por dihet se ai ka lidhje mjaft të forta që kanë rezultuar të suksesshme.

Moska është vendi i vetëm që deri tani duket se do të mbajë peng pavarësinë e mundshme të Kosovës në Këshillin e Sigurimit.

Kremlini e ka kundërshtuar prerë pavarësinë e Kosovës me argumentin se një gjë e tillë mund të krijojë precedent të rrezikshëm për vende të tjera në botë