[Dilaver]

Shkruan Baton (Xhenazja) Haxhiu



Dy ngjarje shokuese goditën Kosovën. Një atentat, i dyti më radhë, ndaj Anton Berishës, shefit të ARTsë, dhe ndalja apo arrestimi që i është bërë natën e së enjtes njërit nga njerëzit më të përfolur viteve të fundit- Ramë Marajt. Për këtë të dytin nuk mund të flasim se cilit institucion i takon saktësisht dhe ku është përkushtimi dhe përqendrimi i tij profesional.
Nuk e di a mund të bashkohen këto ngjarje dhe të evidentohen si ngjarje të lidhura me njëra tjetrën, por të dyja ngjarjet për nga përmbajtja janë shokuese për të gjithë ne që merremi me lajmin dhe problemet e krimit. Deri të arrestimi ose ndalja e Ramë Marajt në polici në opinion mund të interpretohet thjesht si një ftesë e zakonshme për të biseduar me njeriun e kulisave, njeriun që ka thurur ngjarje dhe situata të ndryshme gjatë viteve të fundit. Mund të interpretohet si ndalje e njeriut që din për krimin dhe edhe për faktin se policisë i duhen informatat.
Por, arrestimi i Ramë Marajt shënoi edhe një pamje tjetër disa minuta pas ngjarjes.
Një veturë me targa 006, më gjasë e ministres Tërmkolli, më të shpejtë kishte arritur në vendin e ngjarjes. Gati sa edhe vetë policia, që sapo kishte marrë më vete njeriun e parë të një instituti dhe pronarin e një gazete ditore. Njeriu më i përfolur dhe njëkohësisht më i heshturi për atë që është akuzuar dhe përfolur në emër të tij.
Nga kjo pamje që ishte para syve tonë duhet konstatuar shumë gjëra, por më kryesorja ka të bëjë më pamjen e Mercedesit shtetëror para një zyre që ishte selia e të ndaluarit.
Supozojmë që njeriu i cili është arrestuar ka faj dhe është i lidhur me ngjarjen qoftë edhe rastësisht. Atëherë po qartësohet prej kohësh po vërtetohet se është botërisht e ditur se lidhjet e politikës me njerëzit e dyshimtë janë të konsoliduara. U konsoliduan sepse kriminelët filluan të quhen roje, të përkëdhelen dhe të jenë fitues të betejës mbi politikën dhe qytetarët.
Është e vërtetë se kohët e fundit policia ka arrestuar disa nga banditët më të rrezikshëm, por ende nuk kemi shmangur plotësisht shkaqet që kanë prodhuar këtë rrjet kriminal. Këto vrasje që ndodhin për vite para syve tanë, para shtëpive tona dhe para fëmijëve tanë e para qytetarëve.
Krimi filloi të shpronësojë me shantazhe dhe me pistoletë të koka nga banditë, kur qytetarët dhe pronarët shantazhoheshin me të gjitha mënyrat përditë dhe deri tek zhdukjet fizike.
Krimin me politikën në Kosovë, më shumë se kushdo tjetër, i lidhën dhe i bënë bashkë ata që kishin në dorë tregun e politikës dhe ata që silleshin me qytetarin si me robin e tyre.
Policia për vite kishte heshtur dhe nuk kishte arrestuar askënd. Së fundi ata po arrestojnë, por tashmë duhet të zhdukim vatrën e viruseve.
Duhet bërë këtë për fëmijët tanë, për të rinjtë e Kosovës, që nuk kanë ku të argëtohen në një kryeqytet me një gjysmë sigurie dhe me mundësi krimi në çdo moment.
Këtë betejë duhet fituar për qytetarët të cilët janë terrorizuar nga mungesa e lirisë dhe mundësitë e shumta që vrasësve u janë dhënë.
Ky vend po fyhet përditë nga njerëz që mendojnë se Kosova është vetëm vend i heronjve dhe kriminelëve. Dhe, nga ministra që janë të shoqëruar me njerëz me prejardhje të dyshuar kriminale.
Me këto gjëra, këtij vendi i janë shtuar abuzimet dhe një sistem i tërë korruptues, i cili ka mbajtur peng lirinë ekonomike, politike dhe shoqërore.
Nuk e dimë për çfarë arsyeje janë arrestuar Rama dhe tre të tjerë, por e dimë që duhet t’i jepet fund një shteti që të arrestuarit shoqërohen me ministra.
Nuk është kjo hera e fundit që i ndodh kësaj qeverie dhe këtyre ministrave.
Ky shtet në krijim e do një pastrim, por e do edhe një mjedis ku qytetarët nuk e përkrahin askënd që prapavijën e ka kriminale. Është koha e fundit që të bëjmë qytetari dhe reagim qytetar.
Alarmi i mbetur në veturën e Ramë Marajt pas arrestimit të tij, që ka mbetur si zhurmë për banorët e lagjes së Dardanisë, është simbolika më e mire për dritën e kuqe që i është ndezur shoqërisë kosovare dhe politikës. Shyqyr o Zot që ende i kemi të huajt...


************************************************** **********************

QUDIRAT E SISTEMIT JURIDIK NE KOSOVË NUK KAN FUND , PRA MBAHEN PROTESTUESIT NE BURG DHE LIROHET VERTET KRIMINELET !!!

Ramë Maraj lirohet me kusht
Prishtinë, 13 prill 2007 (Kosovapress) Koha 19:35

Gjykata Supreme e Kosovës ka liruar të premten me kusht ish-këshilltarin e ish-kryetarit Ibrahim Rugova, Ramë Maraj, i cili është arrestuar si i dyshuar për shmangie nga tatimi në rastin e importimit të një veture në vitin 2004.