[Pupi]

MODERATORËT

Kur e tërë bota bie në gjumë
nata e gjatë i numron orët
dhe kur peshku fle në lum,
vallë si s'flenë moderatorët?

Dhe atëherë kur dritat ndalen
E nisin gjelat të këndojnë,
yjet në qiell kur hedhin vallen,
Ata me fshesa veç pastrojnë.

Vetëquhen “pastrues të moralit”
E shkelin mbi fjalën e shkruar
mbathur me “këpucë” të kalit,
si barbarë, sa të trishtuar.

Njëri pasha e tjetri mbret
Sulen si turq a si tatar
Gjuhën e shenjtë e bëjnë “ibret”
Folje, përemra për t’i vrarë.

E futen pastaj tinëz në lojë
Për ta përshëndet’ vetvetën
12 nofka me një gojë
"Je më i forti, pasha jetën..."

“Jo më i forti, por më i miri
i bukur si Jakup Krasniqi,
i gjaaaaaaaaatë sa Ismet Beqiri,
si Dom Frroku, Mulla Maliqi...”

Njëri-tjetrës i bëjnë lajka
Shajnë e shpifin, përgojojnë
S’jan pëllumba por kukuvajka
dhe postën private ta lexojnë...