[Pupi]

Ç’është më e keqja nga të tëra
Një dëgjojnë e dhjetë t’i shtojnë
Dhe pastaj përhapin zëra
Kinse do të dekonspirojmë!!!

Hapin tema pa asnjë shije
Copy/paste e gjithë “logjika”
Të bëjnë diçka që u ka hije
Nuk ua “rrokë” matematika!

S’kanë kritere, por simpatira
Kur fshesë e tyre nis “pastron”
Pas kulisave krijojnë çudira
Se janë lajkatarë-poltronë!

“Ku je vëllaqko, oj motrushe…
Të puthi në “faqe”, shumë të dua…”
Mjaullijnë si macja larushe
Thashetojnë për ty, për mua…

Dhe kjo punë, ky muhabet
Është i vjetër sa vetë forumi
Janë aty për të bërë shkret
Po s’u nënshtrove, të mori lumi!

Të martojnë, të shkurorzojnë
Të shpallin dhe njeri të krisur
Po nuk heshte, të sulmojnë
Veten e quajnë “Bombë e kurdisur…”

Megjithëse duken se kanë kulturë
Dhe gjuhë debati “kultivojnë”
Mund ta paguash me lëkurë
Kur pas shpine të të sulmojnë.