[Neferta]

Gjeni i pagjumsise
Nevoja për gjumë është një karakteristikë po e tillë individuale e njeriut si dhe shtatlartësia e tij, pesha dhe parametrat e tjerë fiziologjikë.
Por mbetet megjithatë ende e paqartë se çfarë duhet quajtur normë. Ekziston rregulli i njohur i tetëshes: 8 orë gjumë, 8 orë punë dhe 8 orë pushim për të ruajtur shëndetin.
Disa specialistë somnologë (për gjumin) ngulin këmbë për respektimin e 7-orëshit: meqenëse, sipas tyre, koha më e shkurtër apo më e gjatë e gjumit rrit rrezikun e vdekjes së parakohshme të njeriut. Në përputhje me klasifikimin ndërkombëtar të normave të gjumit rekomandohet të flihet nga 4 deri në 10 orë. Në qoftë se njeriu fle më pak se orët e sipërpërmendura dhe e ndjen veten mirë gjatë kësaj, atëhere ai hyn në kategorinë e njerëzve që flenë pak, ndërsa po të flejë më gjatë i takon kategorisë së atyre që flenë shumë.
Në vazhdimësinë e kohës së gjumit ndikon, pa dyshim, predispozita individuale gjenetike. I gjithë problemi konsiston në atë, se kohëgjatësia e gjumit të fëmijës trashëgohet prej prindërve të tij. Por ekzistojnë edhe faktorë të tjerë prej të cilëve varet se sa kohë kalon në shtrat njeriu. Në veçanti, një faktor i tillë i mënyrës së jetesës si ndriçimi artificial.
Tashmë janë bërë të ditura të dhëna të tilla, se njeriu në fillim të shekullit XXI-të i kushton gjumit një orë më pak, por bile ndoshta dhe më shumë se kaq, nga ç’flinin njerëzit një shekull më parë. Kjo përcaktohet prej shpërndarjes së dritës mjaft të ndritshme në gjysmën e dytë të ditës - në mbrëmje dhe gjatë natës.
Ekzistojnë gjithashtu njerëz të cilët përbëjnë të ashtuquajturën elitë e pagjumë e shoqërisë. Ata jo vetëm që flenë shumë pak, por janë gjithashtu më thatanikë, më optimistë dhe shumë më pak të ndjeshëm ndaj ndjesive të dhimbjes.
Shkencëtarët amerikanë kanë ndërmend të studiojnë në mënyrë më të detajuar strukturën e ADN së tyre me qëllim që të përpunojnë preparate të afta të ndryshojnë raportin e gjumit të përditshëm dhe syçeltësisë. Vetëm se mbetet e paqartë tani për tani se përse duhet kjo. Është mëse evidente se minimizimi i kohës së gjumit nuk është krejtësisht i padëmshëm për organizmin e njeriut.Flini shqiptare flini!