[Zero Cool]

Postimi origjinal është bërë nga ritta

Dafina Zeqiri ndahet nga i dashuri?


Këngëtarja kosovare, Dafina Zeqiri besohet të jetë ndarë nga i dashuri i saj, Krenar Çoçaj, edhe pse kjo informatë ende nuk është e konfirmuar nga vet Duffye.
Panorama shkruan se Dafina është ndarë nga i dashuri i saj me të cilin është në lidhje që prej më se një viti dhe shkak për këtë sipas gazetës është xhelozia mes tyre. Madje Panorama shkon aq larg sa që beson se Dafina është në lidhje me menaxherin Drin Zatriqi.

Megjithatë, ne besojmë se përderisa mund të jetë i vërtetë lajmi për ndarjen nga Krenari, mund të konsiderohet i pa vërtetë pohimi se ajo mund të jetë e përfshirë në një aferë me Drin Zatriqin.

Telegrafi ka tentuar t’i kontaktojë Drinin dhe Dafinën, por kjo ishte e pamundur pasi që të dy i kishin celularët e fikur.

‘Tweet’-i i fundit i Dafinës në Twitter ishte para shtatë orësh dhe në të ajo shkroi titullin e këngës “King of Sorrow” të kënduar nga Sade, këngë kjo dashurie përmbajtja e të cilës sugjeron se diçka mund të ketë ndodhur në jetën private të këngëtares.
/Telegrafi/

Drini mohon ndarjen e Dafina Zeqirit


Drin Zatriqi, menaxheri i këngëtares kosovare Dafina Zeqiri është distancuar nga raportet e mediave shqiptare se ai është i përfshirë në ndarjen e Duffyet me të dashurin Krenar Çoçaj, duke shtuar se pos faktit që çifti nuk është ndarë, ai nuk është i përfshirë në asnjë aferë me atë që ai e quan kolege profesionale.





10 shtator 2011
Kemi raportuar se Dafina Zeqiri dhe Krenar Çoçaj ishin ndarë, informatë kjo e përcjellur nga disa mediume shqiptare, të cilat Drin Zatriqi i ka quajtur oportuniste dhe me qëllim të keq dhe të prishjes së imazhit për kolegen e tij profesionale.

“Për hirë të sqarimit ndaj opinionit publik si dhe veçanërisht nisur nga respekti profesional dhe personal ndaj miqve të mi të nderuar, Dafina Zeqiri dhe Krenar Çoçaj, dëshiroj të distancohem publikisht nga disa media sensacionaliste të cilat këto ditë sajuan dhe lansuan dezinformata, trillime dhe intriga lidhur me natyrën e raporteve të mia me kolegen timei profesionale, Dafina Zeqirin”.

“Të gjitha këto trillime të ulëta janë krejtësisht të pa baza dhe në kundërshtim drastik me raportet e mia të shkëlqyera profesionale dhe kolegiale me miqtë e mi, Dafina Zeqirin dhe Krenar Çoçajn, ndaj të cilëve veç e veç dhe bashkarisht ushqej konsiderata të larta”.

“Janë dy qëllime të ulëta të cilat autorët e vërtetë, inspiruesit dhe nxitësit e kësaj fushate mediale kanë dështuar të arrinin në këtë mënyrë: Nën 1. Dëmtimin e imazhit publik të Dafina Zeqirit si njëra prej performuesve më të suksesshme të estradës shqiptare në tërësi, e veçanërisht në momentet ur pritet lansimi i albumit të saj të ri. Dhe nën 2., kjo fushatë e ulët dhe e pa moralshme synon rrënimin e bashkëpunimit të suksesshëm, korrekt dhe profesional ndërmjet Dafina Zeqirit dhe meje si menaxher, si dhe dëmtimin e raporteve të shkëlqyera miqësore që i kam me Dafina Zeqirin dhe Krenar Çoçajn”, ka deklaruar Drin Zatriqi për Telegrafin.