[Zero Cool]

“Mbretëresha” i gjente femra Berlusconit


Aktorja 35-vjeçare me origjinë gjermane, Sabina Began, e njohur si “Mbretëresha”, duket se ka qenë një nga njerëzit kyç që gjente femra për haremet e kryeministrit italian, Silvio Berlusconi.





16 shtator 2011
Sipas të dhënave të dala së fundmi nga hetimet, ajo ndërmjetësonte me femrat e dëshiruara nga ana e Berlusconit, për të bërë seks me këtë të fundit. Ende nuk dihet ndërkohë nëse edhe ajo ka përfunduar në shtratin e Berlusconit.
"Unë jam bunga bunga. Nuk ka asgjë të çuditshme në lidhje me këtë gjë që të ndihem pak " majmun"’, kështu ka thënë Sabina Began në një emision në TV Sky 24 të Italisë.
Ajo është pyetur nëse ‘bunga bunga’ është një kod mes saj dhe kryeministrit Italian Silvio Berluskoni, por ka mohuar.
E quajtura “mbretëreshë” po ashtu mohoi se ka pasur orgji në festa me Silvio Berluskonin, i cili herë pas here ka organizuar ndeja me femra të reja e të bukura.
“Është një gjë e shpikur, është absurde”, ka thënë ajo, duke kundërshtuar informacionet se ajo është ‘kumbara’ që i ka servirur femra Berluskonit. Por ajo nuk ka mundur të mohojë organizimet e ahengjeve, porse i ka quajtur krejtësisht normale dhe argëtuese.
“Për mua, Berluskoni është vetëm një person, por me të vërtetë i mirë. Unë e dua atë me gjithë zemrën time. Unë jam fajtore për të gjitha këto festivale, unë kam rregulluar punën për festa, sepse kryeministri është një person i mirë, dhe ai nuk ka asgjë të bëj me këto”, ka mbrojtur ajo Berluskonin.
Sabina në këtë emision ka pranuar ndjenjat e saj për kryeministrin italian.
“Ai nuk e di dhe kam ardhur këtu për t'ju thënë të vërtetën. Unë me të vërtetë e dua atë me gjithë zemrën time dhe unë dua ta mbroj”, ka thënë bukuorshja Sabina.
Aktorja, e lindur në Gjermani, por rezidente në Itali, sa për bisedat e supozuar ndërmjet grupit të Berluskonit dhe vajzave, të publikuara nga disa gazeta ka fajësuar vajzat.
“Mendoj se këto vajza nuk kanë bërë asgjë që kanë marrë letrat dhe kanë fotografuar, si lloj shantazhi. Ndoshta ato e shohin Berluskonin si një Donald Trump me plotë para. Ajo që unë di është se Berluskoni është një supergjentil me mysafir. Të gjithë e adhurojnë”, ka thënë ajo.