[LOJETARI]

Faqet e saj të tulta ngjyrë gace dhe një buzëqeshje e lezetshme ia ndezën Rushitit kurrreshtjen .Ngriti vetullën e djathtë ,e majta i ra vet poshtë, buzët i bëri smajli (smiley) , ktheu kryet nja pesëmbdhjetë gradë në të djathtë dhe e mori në nishan ,i sigurt që tash veq minutat po e ndanin deri sa ta fuste „shtrigën“ në dorë . E thumboi fort ,. Nora Nishliu,tha me vete ka me ta pasë zili për tingujt që do t‘i nxjerrë prej teje dhe padashje fryu gjoksat .Këtë lojën e vetullave me smajlin ia kishte treguar Baci në besë .-“Xhoker ma të fortë ,shtirë e ke me gjet ,veq duhet me dit kur me e përdorë“,- i kishte thënë me një zë eksperti .E kishte stërvitur disa herë para pasqyrës dhe çdo herë nxirrte të njëjtin përfundim : Xhejms Dini as deri te thembra s‘do t‘i vinte .
Një mburrje gati shpërthyese e kaploi ,por nuk zgjati shumë ,- filloi vallja e vetullave të saj .
Ajo ngrysi të dyjat , një vështim të ashpër ua hodhi thembrave të tij ,buzëqeshja iu var si çorapë najlloni mbi buzën e poshtme dhe lëshoi një phhh ngacmuese duke shikur nja pesëmbdhjetë gradë në të majtë ,që në veshin e Rushitit tingëlloi si :HARROJE! .Situata i doli jashtë binarëve ,këtë e kuptuan edhe ata pak minutat e mëparshëm që si kinezët filluan tash të shumohen para syve të tij .Vetullat e Rushitit ende bënin gjysmësallto ,ndërsa të „shtrigës“ ishin ngrirë fare .Si duket ia kishte futur frikën më shumë se sa në palcë ,por në vend se ajo të ikte siç pritej pas tërë asaj që ndodhi , eci si e mpirë në drejtim të Xhejms Dinit ,shikoi anash ,e tërë Dardania ishin mbledhur mbi urën e Llapit ,kishin hapë sytë si huta dhe prisnin se ç‘do të ndodhë .I pëshpëritit Rushitit diçka në vesh dhe në vend të :
„Më lerni të qaj “të Norës ,piskati :“Më lerni të knaqem ,knaqem ,knaqem se ktë gjë më së miri di ta bëjë tani “ ,kapi Rushitin për dore dhe kërcyen në ujin e akullt të lumit .Rushitit iu zgjua jo vetëm kurreshtja por edhe aeroplani ,ndersa Shtriga ofshani „Aeroplani im ateroi „