[Ylli-1]

Si të shpëtosh nga gruaja

Një hajn vjedh bankën dhe në dalje e pyet njërin:
- A më ke shikuar?
- Po – thotë ai.
Hajni e vret dhe e pyet tjetrin:
- Ti, a më ke shikuar?
- Unë jo, por të ka parë gruaja ime...

Basti

I tregon burri-gruas:
- Vura bast me një koleg pune me 1.000 euro se 10 ditë nuk do të ha dhe 10 net nuk do të fle.
- Pse more ashtu, na paske fikur, po nuk mund të durosh aq gjatë!
- Jo, kësaj radhe e fitova bastin.
- E si?
- Natën haja e ditën flija...

Viti i Ri 2014

Derisa ua ktheja të gjithëve mesazhet e urimit me SMS, në Facebook, në Twitter, në Viber, në Gmail, në Skype, në WhatsApp... erdhi 2015-ta!

Këshilla e gjyshit

Gjyshi këshillon nipin:
- Mos merr grua të vejë, sepse e ka varrosur atë do të varrosë edhe ty. Mos merr grua të lëshuar, nuk i ka konvenuar atij, nuk të konvenon as ty. Dhe mos merr as vajzë të pamartuar, sepse po të kish pasur vlerë, e kishte marrë dikush tjetër.
- Po mirë gjysh, e kë të marr unë?
- Grua të martuar, nëse i konvenon atij, të konvenon edhe ty...