[premium]

Forumi i të Rinjve Muslimanë ka lexuar në gazetën Koha Ditore, të Veton dhe Flaka Surroit të datës 22.07.2011 deklaratën që Asociacioni i Gazetarëve Profesionistë të Kosovës (AGPK) me kryetar të paguarin e Vetonit, Arben Ahmeti ka bërë kundër hoxhë Shefqet Krasniqit. Duke qënë se Arben Ahmeti është punëtor që paguhet nga Veton dhe Flaka Surroi, në këtë letër të hapur ne nuk po i përgjigjemi Arbenit, por bosëve të tij.



Zz. Surroi!

U bë një kohë e gjatë që ju, vëlla dhe motër po i bini në qafë muslimanëve të Kosovës. Fillimisht e merrni një hoxhë në qafë dhe e bëni anëtar të Partisë suaj, Lëvizjen Ora, dhe e armiqësoni me besimtarët muslimanë. Por pasi populli i Kosovës ju dënoi me votën e tij të lirë dhe ju dëboi nga parlamenti, ju, me paratë që ju e dini sesi i keni fituar, vazhdoni të sulmoni fenë Islame në Kosovë me mediat tuaja. Gazeta juaj, Koha Ditore, siç hoxha i nderuar Shefqet Krasniqi ju ka etiketuar, është kthyer në një “medium të poshtër” i cili u shërben si mashë për të goditur sa qeverinë e Kosovës, aq edhe popullin e saj fukara. Është kthyer si Tanjugu jugosllav në kohën kur babai juaj, Rexhai Surroi shërbente si emisar jugosllav.



Zz. Surroi!

Ju që sulmoni popullin e Kosovës, që quajtët UÇK-në organizatë fashiste, që sulmoni Fuad Ramiqin dhe lëvizjen Bashkohu, që sulmoni hoxhë Shefqet Krasniqin, ju që keni dhe hani miliona në një kohë kur populli i Kosovës vdes për bukë, ju që populli i Kosovë ju ka rrëzuar në mënyrë demokratike – duhet të ju vijë shumë turp nga vetja juaj për këto që po bëni sot dhe atë që keni bërë në të kaluarën. Ju jeni antidemokratikë dhe të paetikë!