[panta_rhei]

“Nëse”

Nëse mund ta ruash durimin, ndërkohë që të gjithë rreth teje
po e humbin dhe ty ta shkarkojnë fajin,
nëse ti mund të besosh në vetvete, kur të gjithë dyshojnë në ty
e të jesh zemërmirë ndaj atyre që dyshojnë,
nëse ti mund të presësh, pa u lodhur së prituri
e të qëndrosh drejtë, nëse me mashtrues je i rrethuar,
e të mos urresh, nëse të urrejnë
e pamvarësisht nga këto, ti t’mos shfaqesh tepër i mirë, as të mos flasësh menqurira;
nëse ti mund të ëndërrosh e të mos u jepesh ëndërrave,
nëse ti mund të mendosh pa u humbur në mendime,
nëse mund të përballosh Triumfin e Katastrofën
e t’i trajtosh njësoj këta dy gënjeshtarë,
nëse mund të dëgjosh të vërtetën që ke thënë
të ndryshuar nga të këqinjtë, për t’u ngrehur kurthe të padjallëzuarve
e të shohësh të copëtuara idealet, të cilave u dedikove jetën
e të rezistosh e të rindërtosh me dije pjekurie,
nëse mund të bësh një tufë me të gjitha arritjet e tua jetësore
e t'i luash në një hedhje llotarie
e t'i humbësh e të rinisësh nga e para
e kurrë t’mos thuash një fjalë për ato që ke humbur;
nëse mund të urdhërosh zemrën, nervat, muskujt,
të rezistojnë edhe atëhere kur janë të rraskapitur
e kështu të vazhdosh, derisa të mos mbesë tjetër në ty,
përveç vullnetit që u thotë atyre: “Rezistoni!”,
nëse mund të ngritesh në pushtet e të mbahesh i pastër
o të avitësh të mëdhenjtë, pa nënçmuar të përvuajturit,
nëse as miq, as armiq, s’mund të të lëndojnë,
nëse i qasë të gjithë, por askënd me tepri,
nëse mund ta mbushësh të pamëshirshmën minutë,
me gjashtëdhjetë sekonda prej veprave të kryera,
atëherë; e jotja është bota dhe gjithçka që ka në të
dhe ajo që vlen mbi të gjitha, atëherë ti jë bërë Burrë, biri im.