arTanibb

UEFA Champions League: Kampioni i Anglisë dhe ai i Italisë nuk kanë mundur ta gjejnë veten në çerekfinale
Manchester United ka pësuar gol në minutën e fundit dhe i ka thënë lamtumirë çerekfinales së Ligës së Kampionëve. Italianët e Juventusit janë mposhtur në Delle Alpi 2 me 0 nga Deportivo e Spanjës
Nga 4 ndeshjet e kthimit, të zhvilluara mbrëmë, janë bërë të ditur emrat e 4 skuadrave të para çerekfinaliste të Ligës së Kampionëve të UEFA-së.

Kanë ndodhur 2 befasi. Në Old Trafford, Porto ka barazuar 1 me 1 me Manchester United, falë golit të vonshëm nga Costinha dhe me rezultat të përgithshëm 3 me 2 siguroi një vend në çerekfinale.
Tjetër, Juventusi në mungesë të shumë lojtarëve titullarë, është mposhtur para spektatorëve të vet nga Deportivo la Coruna me rezultat 1 me 0. Edhe në ndeshjen e pare, të zhvilluar në Spanjë, Deportivo fitoi me të njëjtin rezultat.

Londinezët e Chelsea-t vendin në çerekfinale e kanë siguruar falë golit të vetëm në ndeshjen e pare në Gjermani, pasi në ndeshjen e kthimit në Stamford Bridge nuk ka pasur gola.
Lyon-i i Francës në 2 ndeshjet e mundi Real Sociedad-in me rezultat 1 me 0.

Rezultatet:

Chelsea 0-0 Stuttgart (Ndeshja e parë 1-0)
Juventus 0-1 Deportivo (Ndeshja e parë 0-1)
Lyon 1-0 Real Sociedad (Ndeshja e parë 1-0)
Man. United 1-1 Porto (Ndeshja e parë 1-2)


Sonte do të mësohet edhe emrat e 4 çerekfinalistëve tjerë. Zhvillohen këto takime:

Arsenal - Celta de Vigo – 20:45
Milan – Sparta – 20:45
Monaco - Lokomotiva (Moskë) – 20:45
Real Madrid – Bayern – 20:45