[Albanian eX|PerT]

Postimi origjinal është bërë nga Dilaver

ndërtimi i tyrbeve në varr,

I nderuar! Ndertimin e objekteve fetare, apo faltoreve, mbi apo ne varre, e ka ndaluar i Derguari i Allahut, Muhamed a.s., e jo vehabitet.

Lexo keto transmetime-hadithe:

Nga Abdullah ibn Mes'udi i cili thotë se ka thënë pejgamberi, paqja dhe shpëtimi i All-llahut qoftë mbi të: ”Me të vërtetë njerëzit më të këqij janë ata të cilët ballafaqohen me katastrofën (shkatërrimi i Ditës së Kijametit) dhe janë të gjallë, dhe ata të cilët i marrin varret për xhamia.” (Transmeton Ahmedi dhe Ibn Huzejmete)

Transmetohet nga Ebu Hurejra se Pejgamberi alejhi selam ka thënë: “O All-llah! Mos e bë varrin tim idhull! E ka mallkuar All-llahu një popull që marrin varret e Pejgamberëve të tyre për faltore.” (Transmeton Ahmedi)

Transmetohet nga Aishja, Allahu qoftë i kënaqur me të, të ketë thënë: 'Ka thënë Pejgamberi, paqja dhe shpëtimi i All-llahut qoftë mbi të, gjatë sëmundjes, prej së cilës nuk është shëruar më:
“Allahu i ka mallkuar çifutët dhe të krishterët që i kanë marrë varret e pejgamberëve të tyre për faltore (xhami)”. (Buhari & Muslim)

Transmetohet nga Ebu Hurejra, Allahu qoftë i kënaqur me të, të ketë thënë: 'Ka thënë Pejgamberi, paqja dhe shpëtimi i All-llahut qoftë mbi të:
”Allahu i shkatërroftë çifutët dhe të krishterët që i kanë marrë varret e Pejgamberëve të tyre për faltore (xhami)!” (Buhari & Muslim)

Transmetohet nga Aishja dhe Ibn Abbasi, All-llahu qoftë i kënaqur me ta, të kenë thënë se: 'Pejgamberi, paqja dhe shpëtimi i All-llahut qoftë mbi të, në momentet e vdekjes së tij ka vendosur në fytyrën e tij një pjesë të leckës dhe kur është dëshpëruar, e ka hequr atë nga fytyra e tij duke thënë:
"Allahu i shkatërroftë çifutët dhe të krishterët që i kanë marrë varret e pejgamberëve të tyre për faltore (xhami)." Dhe thotë Aishja, All-llahu qoftë i kënaqur me të, që të ruhen ata të cilët bëjnë një veprim të tillë! (Buhari & Muslim)


Transmeton Aishja, se kur ka qenë Pejgamberi alejhi selam i sëmurë, ia kanë kujtuar disa nga gratë e tij një kishë në tokat e Habeshit, të quajtur Marie, duke e ditur se Ummu Seleme dhe Ummu Habibete kanë kaluar nëpër tokat e Habeshit. Ato ia kanë përmendur bukurinë dhe fotografitë e saj. Ka thënë (Aishja):
“E ka ngritur kokën Pejgamberi alejhi selam dhe ka thënë: “Ata janë që kur të vdesë ndër ta një njeri i sinqertë, ndërtojnë mbi varrin e tij xhami dhe pikturojnë piktura të tilla. Ato janë krijesat më të urryera (këqija) tek All-llahu.” (Buhari, Muslim, Nesa'i)

Transmetohet nga Xhundeb Ibn Abdullah el-Bexheli, All-llahu qoftë i kënaqur me të, të ketë thënë: ”Kam dëgjuar Pejgamberin, paqja dhe shpëtimi i All-llahut qoftë mbi të, para vdekjes për një kohë të shkurtër duke thënë:
‘Unë jam i pastër tek All-llahu nga ju, që të kem një mik, me të vërtetë All-llahu më ka marrë mua për mik (dost) ashtu siç e ka marrë Ibrahimin alejhi selam për mik. Sikur të kisha marrë dikë për mik, do ta kisha marrë Ebu Bekrin, me të vërtetë ata që kanë qenë para jush kanë marrë varret e të Dërguarve të tyre për xhamia, ndërsa ju mos i merrni varret për xhamia për atë se ju ndaloj nga një gjë e tillë." (Muslim)

Transmetohet nga Harith en-Nexhrani se ka dëgjuar pejgamberin, paqja dhe shpëtimi i All-llahut qoftë mbi të, pak para vdekjes duke thënë:
”Me të vërtetë ata që kanë qenë para jush i kanë marrë varret e të dërguarve të tyre dhe njerzëve të sinqertë për xhamia, mirëpo ju mos i merrni varret xhamia sepse unë (Muhamedi alejhi selam) ju ndaloj nga kjo!" (Transmeton Ibn Ebi Shejbe)

Transmetohet nga Usame bin Zejd se Pejgamberi alejhi selam ka thënë gjatë sëmundjes prej së cilës edhe ka vdekur:
“M’i sillni shokët e mi!” Kanë hyrë tek ai dhe ka qenë më fytyrë të mbuluar (e ka zbuluar fytyrën) dhe ka thënë: “Allahu i ka mallkuar çifutët dhe të krishterët që i kanë marrë varret e pejgamberëve të tyre për faltore (xhami)!” (Transmeton Tajalesi ne Musnedin e tij)

Nga Ali bin Ebi Talib transmetohet të ketë thënë: “Më ka takuar Abbasi dhe më ka thënë: ‘O Ali! Na dërgo neve te i Dërguari i All-llahut, ndoshta kemi diçka për ta pyetur apo që t’i këshillojë edhe të tjerët përmes neve. Kemi hyrë tek ai, dhe ai me sy të mbyllur e ka ngritur kokën dhe ka thënë: “I mallkoftë All-llahu çifutët që kanë marrë varret e Pejgamberëve të tyre për faltore!” Kur e pamë se çka na këshilloi, u larguam dhe nuk pyetëm më asgjë. (Transmeton Ibn Seadi dhe Ibn Asakir)

Transmetojnë nënat e besimtarëve (gratë e Pejgamberit alejhi selam) se sahabët kanë pyetur se si ta rregullojnë varrin e Pejgamberit alejhi selam; A ta bëjnë xhami? Ka thënë Ebu Bekri: “Kam dëgjuar Pejgamberin alejhi selam dukë thënë: “I mallkoftë All-llahu çifutët dhe të krishterët që kanë marrë varret e pejgamberëve të tyre për faltore!” (Transmeton Ibn Zenxheuie)

Pra i nderuar, shpresoj ta kesh te qarte, se ndalimi i adhurimit ne varreza, ndertimi i xhamija mbi varre, dhe gjera te ngjajshme jane haram-te ndaluara, ne Islam, e qe kush ben gjera te tilla, eshte i mallkuar nga gjuha e Profetit te dalluar.

Veprat e tilla, jane shirk, d.m.th. idhujtari, dhe nje veprim te tille e bejne vetem idhujtaret, e jo besimtaret e vertete, d.m.th. ata qe e besojne vetem nje Zot, te Cilin e adhurojne.

Me rrespekt per ju i nderuar
albanian expert