[Murgesha]

Pas një javë pritje më në fund sonte gjeti kohë të jetë me neve edhe Barbaroza. E di se shumica nga ju keni dëshirë të kahmotshme të ndëgjoni drejt për drejt të nderuarën Barbaroza andaj po fillojmë pa humbur kohë.

Murgesha: Barbarozë e nderuar, pse mu desht të pres kaq shumë për të bërë këtë intervistë me ty??

Barbaroza: Po ja Murgesha, isha gadi të arrij numrin 5000 në postimet e mia, dhe nuk doja që të humbi kohë të vlefshme kot për të dhënë intervistë. Tani mbasi i hypa 5 mijëshit mundem edhe të pushoj pak dhe gjeta kohë të vije tek ti.

Murgesha: Po, po të kuptoj plotësisht. Çka tani pasi që i bëtë 5 mijë postime në dardani, mos vallë mendoni të delni në penzion???

Barbaroza: Zoti mos thashtë. Unë tërë kohën po e kaloj në dardani, dhe jam një ndër anëtaret më aktive, pastaj unë ende po ndihem në formë për të punuar, kështu që nuk e kam ndërmend të kërkoj penzionin këtu. Nejse kam ndëgjuar se kush i ban 10 mijë postime në dardani, do ti takojë, pushim një javor jashtë Dardanisë.

Murgesha: Spaskam ndëgjuar ende për këte, por mbasi ju po e thuani po e besoj. Ani pra çka mendon edhe sa kohë të duhet për ti bërë 10 mijë shkrime????

Barbaroza: O unë jam shumë e zonja, dhe shkruaj shumë shpejt, se kam qenë në kurs për mësim të kompjuterit. Shkruaj me 10 gishtërinjtë, bile gishtat e vogël i përdori shumë. Kështu që besoj se së shpejti do ti baj 10 mijë.

Murgesha: Sa mirë qy, unë ende shkruaj vetëm me dy gishta.
Mirë pra sa i përket shkrimit tënd, tani do të kalojmë pak edhe në njoftimin dhe prezemtimin tënd. Kur u regjistruat në Dardani dhe pse???

Barbaroza: Unë dhe një shoqe imja e nettit shkruanim në një forum tjetër. Pastaj ai forum u mbyll dhe ne ndëgjuam se ka edhe një forum tjetër ku bahet qejf, dhe se është forum në nisje, por nëse unë dhe shoqja ime do të ishim prezent aty, suksesi nuk do të mungonte. Pra pa u hezituar u regjistrova dhe fillova të shkruaj.

Murgesha: Aha, shkas të mirë paske pasë. Po pse Barbaroza, çfarë kuptimi ka ky emër??

Barbaroza: Me të thënë të drejtën, në fillim veç hajt thashë ta bëj një nik sa më pompoz, e këtë Barbaroza e pata ndëgjuar dikund, dhe e vura, po pastaj mësova (mu desht patjetër ta bëj këtë) se Barbaroza është fjalë latine dhe ka kuptim e Luleborës Shqiptare. Mua për vete më pëlqeu shumë kur e mësova këtë, se unë vërtet jam pranverë e hershme por këtë pak kush mund ta dijë

Murgesha: :shock: Çkas po nika njeriu :roll: Edhe Luleborë edhe Barbarozë. Po mirë moj Lulebora nëse më lejohet me të thënë kështu: Në jetën tuaj sentimentale si po ndjeheni.

Barbaroza: Po mirë bre mirë. Kam menduar edhe unë si çdo e re të dashurohem, por.....

Murgesha: .... Çka por, pse ende sjeni dashuruar?

Barbaroza: Po de, se ende spo e gjej atë djalin që mundem ta dua.

Murgesha: Qy, qy, djem sa të duash e ti spo mundesh ta gjejsh një për me dashtë. Si po mendoni a mos keni kritere të veçanta për të qenë e dashuruar???

Barbaroza: Shiqo Murgesha, unë jam vajzë e shkolluar, intelegjente, e e bukur shumë, nuk mundem unë me u dashuru në një djalë që si ploëson këto kushte. Po du me thonë, që i dashuri im i ardhshëm duhet të jetë i shkolluar, intelegjent dhe bukurosh. E mbasi spo mundem me e gjetë një të tillë, po pres ndoshta pikërisht një i tillë është në rrugë e sipër për tek unë.

Murgesha: Po qe se (se fatit si dihet) do të gjenit një të tillë, a do të gjelozojshe hiq. Se tipa të tillë i duan krejt femrat (tybe edhe mua mu kish mushë mendja mu da prej këtij çka e kam për një të tillë)

Barbaroza: Prit de Murgesha mos më ndërhyjë në fjalë, se pikërisht për këto deshta me të fol. I dashuri im i ardhshëm duhet pikërisht mos me qenë xheloz, as i ashpër, as i nxituar, e as mos me qenë shumë i lidhur për familjen e vet. Dmth. Atë ditë që të martohet me mua, ai duhet të harroj që ka nënë apo babë apo familje, se unë jam në gjendje të jem gjithçka për te.

Murgesha: Wow :shock: Pse je e bindur se ju i posedoni këto cilësi???

Barbaroza: O e di unë shumë mirë se jam e tillë. Bile krejt kush më njeh mi vërteton këto fjalë, se unë jam e lindur për të komanduar vetë, edhe kur të martohem.

Murgesha: Dhe unë të dëshiroj fat. Tani ti kthehemi pak forumit Dardan. Jeni personalitet i njohur në këtë forum, gjithashtu jeni edhe moderatore. Çka ju bënë më të lumtur, se jeni moderatore apo pse të gjithë të njohin dhe gëzoni rrespektin e të gjithëve???

Barbaroza: Të dyjat më bëjnë të lumtur. Ama është edhe privilegj kur të gjithë të nderojnë e të rrespektojnë. Po ashtu edhe të jesh në stafin drejtues nuk është keq. Se pak a shumë fiton edhe më shumë rrespekt nga të tjerët. Krejt thojnë kjo qenka shumë e zonja pasi që edhe po moderojka. Janë të lidhura pra ngushtë me njëra tjetrën.

Murgesha: Sa jeni e kënaqur që merrni pjesë në një forum siç është dardania?

Barbaroza: Murgeshë unë jam shumë e lumtur, tepër e lumtur, se dardania më dha famë në gjithë botën e internetit. Ti nuk e din se çka do të thotë të jesh e famshme, të të përgjigjen në të gjitha shkrimet të tjerët, të të lavdërojnë, të përshëndesin, të të shkruajnë në privat e të të pyesin se si je?? Woow unë të gjitha këto i kam përjetuar dhe jam e lumtur që jam anëtare në dardani.

Murgesha: Ke të drejtë, unë ende si kam arriturr këto gjëra por po e marr me mend se si ndihesh. Për fund a ke ndonjë porosi të veçantë për forumistat??

Barbaroza: Po, ftoj të gjithë diskutuesit që të jenë sa më aktiv, të shkruajnë dhe të afirmohen nëpërmjet faqes së dardanisë. Se vetëm kështu arrijmë që dardania të jetë forumi më simpatik në botën e internetit.

Murgesha: E nderuara Barbaroza ishte kënaqësi të bisedoja me ty.

Barbaroza: Kënaqësia ishte imja. Mirupafshim në forum by, by.