[egi]

Nelson R. Qabej, kandidat i shkencave


Aloktonia kundrejt autoktonisë së Shqipëtarëve


Statusi gneseologjik i një pikëpamje
Autoktonia e shqipëtarve në trojet e sotme, falë studimeve thuajse treshekullore të dijetarëve shqiptarë dhe të huaj, ndër t'e cilët vende nderi zënë J. Tunman, E. Mashi, W. M. Lik, J.G. Han, N. Jokl, R. Katiqiq, E. Qabej etj., ka marrë vlerën e një fakti historik, që ka gjetur një konsensus të kënaqshëm në botën shekncore në përgjithësi.

Për hir t'e vërtetës duhet thënë se gjatë kësaj periudhe nuk kanë munguar as përpjekjet për ta kundërshtuar atë, gjë që është krejtësisht e ligjshme si nga pikëpamja e teorisë së njohjes dhe nga pikëpamja e sociologjisë së shkencës.
Por, në qoft se ngritja e hipotezave të tilla, që kundërshtojnë autoktoninë e shqiptarvë nga pikëpamja e mësipërme mund të përligej në fillim të shekullit tonë, në punimet e mëvonshme të një numri autorësh, si gjuhëtari rus A. Selishqev, gjuhëtari serb Ivan Popoviq etj. U përdorën si fakte kryesisht argumente, të cilat, si rrjedhim i studimeve të mëvonshme, kishin humbur vlerën e argumentit kundër autoktonisë së shqipëtarëve.

Ky drejtim ekstrashkencor, i kundërshtimit të autoktonisë, i nxitur nga motive ekstrashkencore, vazhdon edhe në ditët tona, siq tregoi simpoziumi i Akademisë Serbe të Shkencave dhe Arteve i vitit 1986, botuar në vitin1988 në një vëllim të veqantë në gjuhët serbo-kroatisht dhe frengjisht. Në këte simpozium shkenca serbe doli me një program të gjerë kundër autoktonisë së shqipëtarëve, duke shtruar si detyra kryesore të provonte se:

1. Koncepti i sotëm i shtrirjes teritoriale të ilirëve në pjesën perëndimore të siujdhesës ballkanike, që shonte në veri deri në brigjet e Danubit, është i ekzagjeruar, andaj duhet revizionuar rrënjësisht deri ne 1/3 territorit që u është njohur deri sot.

2. Dardanët nuk janë një fis ilir, por trak.

3. Në fillim të mesjetës, ilirët e jugut (banorët e lashtë të Shqipëris së sotme) ishin romanizuar.

4. Kësaj popullsisë të romanizuar iu mbivendos një popullsi sllave qysh nga dynjet e tyre të para në shekullin VI.

5. Shqipëtarët, si një popullsi paleoballkanike, kanë ardhur në trojet e tyre të sotme dikur në mesjetë, nga një zonë e pacaktuar e Ballkanit, nga Dardania, ose zbritën nga malet e Shqipërisë në fushat e banuara nga një popullsi sllavo-jugore.