Hajra

Mirko i Sonit: Mezi po e presim Anen

22 November 2011





Një rrëfim special nga një personazh po aq special. Mirko Luçarelli, balerini i famshëm i “Dancing with the Stars Albania” gjatë edicionit të parë rrëfen ekskluzivisht për suplementin e së shtunës detaje të pazbuluara më parë nga bashkëjetesa me Sonin. Si po ecën shtatzënia e saj, a e kanë zgjedhur tanimë emrin e vajzës, po dhomën ia kanë arreduar? Kur pritet të lindë Soni, cilat janë tekat e saj si një grua shtatzënë, lumturia e pamatë e Mirkos, marrëdhënia e tij me vjehrrin, vjehrrën dhe kunatin…Përgjigjet Mirko, djaloshi simpatik që 2 vite më parë vodhi zemrën e bukuroshes së skenës shqiptare, Soni Malaj, duke na e marrë kështu edhe për disa kohë me vete në Spanjë, por që siç premton edhe ai, shumë shpejt do të na e kthejë sërish…
Mirko përshëndetje! Si po kalon këto kohë?
Përshëndetje gjithë publikut shqiptar! Unë jam mirë dhe i lumtur që po ju shkruaj.
Me çfarë po merresh?
Bashkë me Sonin menaxhojmë aktivitetin tonë, ndërkohë që vazhdoj të punoj si aktor këtu në Spanjë. Sapo mbarova xhirimin e një filmi, i cili do të shfaqet në kinema në qershor të 2012. “Tengo gana de ti”, është titulli i filmit, i cili ka një fabul të ngjashme me atë të novelës italiane “Tre metri sopra il cielo” e Federico Moçia, ku unë do interpretoj (në film) rolin e një koreografi të keq.
Po Soni si është?
Soni ngjan shumë bukur edhe pse me bark të madh, më besoni ! Barku e ka bërë akoma më shumë seksi.
Si po ecën shtatzënia e saj?
Shtatzënia shkon shumë mirë dhe vajza që tani peshon 2.200 kg.
Është ndopak tekanjoze?
Tekanjoze?! Jo, por duke qenë se vajza lëviz shumë duket qartë që i ngjan mamasë. Ka gjithmonë shumë uri dhe në këtë aspekt i ngjan babait. Kështu që Soni duhet të përmbushë të gjitha dëshirat që ka një grua shtatzënë…
Kur i bie të lindë vajza?
Vogëlushja jonë do të vijë në jetë së shpejti dhe sipas gjinekologes në 15 dhjetor, por mund të lindë edhe para kësaj date.
Sa i lumtur ndihesh që shumë shpejt do të bëhesh baba?
Sa i lumtur jam?! Nuk ka fjalë për ta përshkruar lumturinë që unë ndjej, por ajo që mund të them i sigurt është se jam burri më me fat në botë dhe mezi po presim ta njohim vogëlushen tonë.
Keni menduar për emrin?
Ajo do të quhet Ana për të nderuar kujtimin e nënës sime që tashmë na shikon nga qielli dhe me siguri do të jetë engjëlli i saj mbrojtës.
Po dhomën ia keni areduar?
Dhomën po e mobilojmë ngadalë dhe merremi me të sa herë që kemi pak kohë të lirë. Do edhe shumë pak që dhoma të quhet e përfunduar. Ka dalë kaq e bukur sa edhe unë do të flija me shumë dëshirë atje.
Kush do ta rrisë vajzën, do të vijë nëna e Sonit në Spanjë?
Tashmë ne jetojmë në Spanjë dhe si prindër të përgjegjshëm do të kujdesemi vetë për Anën. Megjithatë jemi me fat, pasi gjithmonë mund të mbështetemi në ndihmën e dy familjeve tona. Pavarësisht se ata jetojnë larg, babai im dhe prindërit e Sonit do të jenë pranë nesh shumë shpejt.
Pas vajzës keni bërë në plan një fëmijë të dytë?
Për momentin po presim me pa durim ardhjen në jetë të “princeshës së vogël”, por sigurisht që ekziston edhe mundësia për të pasur një “spartan të vogël”, i cili mund të vijë shumë shpejt natyrshëm.
Na tregoni diçka më shumë nga bashkëjetesa me Sonin. Kush vendos në shtëpi, kush e ka pushtetin?
Në shtëpi “shefi” është ajo! Për punët e shtëpisë dhe gatimin jemi shumë tolerantë dhe e ndihmojmë njëri-tjetrin. Nëse njëri është i impenjuar në punë i bën tjetri dhe anasjelltas. Ndërsa të dielën zakonisht gatuaj unë se më pëlqen shumë.
Kush mban më shumë inat kur ka ndonjë debat?
Pas një zënke jemi të dy tolerantë edhe nëse mbajmë mëri kjo është në formën e një loje, e cila fitohet nga ai që mërzitet i pari.
Cila është surpriza më e bukur që i keni bërë njëri-tjetrin?
Surpriza më e bukur që më ka bërë Soni?! Janë dy surpriza të mëdha, e para që u dashurua me mua dhe e dyta që do të jetë nëna e fëmijëve të mi. Ups! E vajzës për momentin. Ndërsa për të besoj ka qenë surpriza që unë i bëra, kur i propozova për martesë. Propozimi im, i ulur në gjunjë në SPA-në (pishinën e vogël) ku qëndronim së bashku, me nivelin e ujit që më vinte deri tek goja dhe që më pengonte të folurën normalisht ka qenë një situatë shumë e bukur. Pjesën e ujit dhe të kutisë së unazës që u ngjit përpara kohe në sipërfaqe, nuk e kisha parashikuar, por gjithsesi mendoj se për këtë pjesë duhet të tregojë vetë Soni.
Meqë na treguat për propozimin tuaj, dasmën kur keni vendosur ta bëni?
Ceremoninë do ta bëjmë sa më parë të mundemi, por kjo varet nga vajza. Sapo ajo të rritet pak, në mënyrë që të jetë në gjendje të na sjellë unazat në altar dhe të mbajë fustanin e mamit si një shoqëruese nuse nderi, do ta bëjmë edhe dasmën.
Si shkoni me vjehrrën dhe vjehrrin?
Prindërit e Sonit, z.Sadik dhe znj.Marina janë të paparë. I dua shumë dhe kur mblidhemi bashkë bëjmë darka të mëdha dhe qeshim pa fund. Marina gatuan shumë mirë dhe Sadiku ha shumë si unë. Unë shkoj shumë mirë edhe me vëllain e Sonit, Dorin dhe nusen e tij Rexhina. Kam qenë shumë me fat që i njoha edhe ata, për më tepër që janë po aq të mirë sa nusja ime.
Kur do të vini në Shqipëri se ne na ka marrë malli ta shohim Sonin rrugëve të Tiranës?
Jam çmendurisht i dashuruar ndaj gruas dhe vajzës sime që shumë shpejt do ta kemi në krah. Tani po jetojmë një moment magjik, të lumtur dhe shumë të rëndësishëm të jetës sonë që na detyron të qëndrojë në Spanjë me dëshirë edhe për pak kohë. Por është e vërtetë që Shqipëria ka nevojë ta riketë sërish pranë një artiste të afirmuar dhe me talent si Soni Malaj, e cila sapo të mundet do të kthehet për t’ju habitur të gjithëve me efekte speciale dhe me zërin e saj spektakolar që ka bërë të dashurohen shumë veta.

Burimi: Revista Bluetooth