[lirik]

PD çahet në dy kampe, shumica e Këshillit Kombëtar kundër Bashës dhe familjes Berisha, priten konfrontime
PD çahet në dy kampe, shumica e Këshillit Kombëtar kundër Bashës dhe familjes Berisha, priten konfrontime

Rebelimi dhe kryengritja e klaneve dhe grupacioneve në Partinë Demokratike pas humbjes së zgjedhjeve, po merr një rrjedhë të rrezikshme dhe të paparashikueshme. Teksa Sali Berisha dhe familjarët e tij po lëvizin çdo gurë për të emëruar Lulzim Bashën krye të partisë, Partia Demokratike rrezikon të shpërbëhet nga reaksionet, shpërthimet, rebelimet dhe papajtueshmëritë me skenarin e Berishës, për ta udhëhequr selinë blu me anë të kukullës së tij, Basha. Aktualisht, Partia Demokratike është çarë në dy kampe kundërshtare. Në njërën anë janë Lulzim Basha, familja Berisha, shokët dhe miqtë e Argitës dhe Shkëlzenit, sekserë, klientë të familjes etj. Në anën tjetër, janë 36 deputetët e përjashtuar nga lista, Sokol Olldashi, Jozefina Topalli, Ridvan Bode, Besnik Mustafaj, Ilir Rusmali Astrit Patozi, Fatos Hoxha, Selami Xhepa, pjesa më e madhe e anëtarësisë dhe shumë figura emblematike të PD. Pas një beteje të gjatë të nëndheshme, lufta mes klaneve për dominancë dhe pushtet në Partinë Demokratike, tashmë ka plasur publikisht. Ndërkaq, asnjë shenjë paqeje nuk po shfaqet në horizont. Përkundrazi, ditë edhe më të zeza e presin Partinë Demokratike. Megjithatë, coptmi i Partisë Demokratike pritet të konkretizohet pas katapultimit të Lulzim Bashës në krye të partisë. 36 deputetët e përjashtuar nga lista, ekspozetë të tjerë të mënjanuar nga familja, kanë nisur lëvizjet e para për t’u organizuar dhe koordinuar kundra klanit që ka kapur PD. Një zë kritik ndaj Berishës dhe Bashës paralajmëroi dje për gazetën “SOT” se, menjëherë sapo Berisha të katapultojë Bashën në krye të PD, do të ketë një reagim të fortë, të organizuar dhe të koordinuar. Sipas burimeve, nuk përjashtohet mundësia e formimit të një lëvizje të re në PD, e përbërë nga figura të rëndësishme të kësaj partie, por që Berisha tentoi t’u ndërpriste karrierën politike dhe parlamentare.

Reagimet

Zërat kundër familjes Berisha dhe Lulzim Bashës, sa vijnë e shtohen. Po ashtu, pas zyrtarizimit të kandidaturave, në selinë blu është instaluar një klimë tensioni dhe e polarizuar. Aktualisht selia blu është pronë e dyshes Berisha-Basha. Ndërkaq, dy ditë më parë, ish-ministri i Drejtësisë, Ilir Rusmali, lëshoi akuza të rënda ndaj të projektuarit të familjes për pasardhës, Lulzim Bashën. Rusmali akuzon Bashën si kukull të përlyer në afera korruptive. Ai paralajmëron se katapultimi i Bashës në PD do ta çojë partinë në disfata edhe më të thella. “Nëse ata presin liderin e panjollë, ne mund tu dhurojmë liderin e përlyer. Nëse ata presin udhëheqësin e fortë, karizmatik, largpamës, të pavarur, të vendosur e energjik, ne mund tu ofrojmë udhëheqësin kukull, pa shpirt, pa vizion, pa autoritet e anemik”, deklaroi ai. Po ashtu, një reagim i ashpër ka ardhur edhe nga Fatos Hoxha, deputet dhe anëtar i Komisionit të Ligjeve.

Reprezalja në PD

Sali Berisha përjashtoi nga lista të gjithë deputetët që guxuan të mendonin ndryshe nga ai dhe që mund të rrezikonin pozitat e Bashës, duke filluar që nga Mark Marku, Leonard Demi, Selami Xhepa, Enkelejd Alibeaj etj. Reprezalja ishte e plotë dhe e pamëshirshme. Figurat më emblematike të PD si Ilir Rusmali, Leonard Demi, Jemin Gjana, Enkelejd Alibeaj Fatos Hoxha, Tritan Shehu, Mark Marku, Selami Xhepa etj., u zëvendësuan me njerëzit e Bashës dhe të familjes si me Keltis Krujën, Arben Ristanin, Jorida Tabakun etj. Adriatik Doçi
...........................................
kjo esht ajo intriga dhe teatri si dhe lojrat e gjat gjith kohes ku kan depertuar njerzit nga koha e komunizmit dhe rrymave tjera politike duke hy si kuaj druri neper parti .
ajo qka kam thene qysh ne fillim sa po e kam pa strukturen e hyrjes dhe metodat njerzit dhe sabotimet -menjiher kam menduar se sabotimet do te jen te mdha dhe perqarjet -pastaj intrigat dhe klanet -
askund ne bote nuk ka as njerz e as parti por as shtet qe hype mbi ligjin si te shqiptaret -te shqiptaret individi dhe klani hype mbi ligjin ,pazaret dhe sundimi primitiv i perzier me mbeturina primitive te bajraktarllekut e djallzive klanore e besa edhe shpellore neper mes vrasjeve neper mes hileve dhe kurthave dhe imponimeve -pa asnje lloj talenti ligjor e demokratik duke demtuar civilizimin dhe vlerat e ligjeve kjo ndodhe vetem te shqiptaret ne bote -se sa larg ka shkuar shkelja eligjit dhe sa sundues esht be klani qe nuk trembet nga askush a snga korrupsioni as nga ligji -e deshmoj egersia dhe aanarkia e sundimit keq qeverises gjat gjith kohrave dhe egersia e padrejtesive dhe grupimeve qe nuk pyesnin per ligjin