[panta_rhei]

Vështirë të ketë ndonjë nga ju që të mos e ketë parë golin e Francës kundër Irlandës në ndeshjen e javës së kaluar. Thierry Henry mban topin në lojë duke e prekur me dorë dhe i asiston Gallasit, i cili shënon. Referat nuk e shohin, ose nuk duan ta shohin (për ne si shikues kjo pak rëndësi ka).
Franca fiton, Irlanda ankohet ndaj FIFA-s për përsëritjen e ndeshjes, FIFA thotë jo. 70% e botës së futbollit (përfshi dhe vetë Henry-n dhe trajnerin e tij të mëparshëm, francezin Wenger) thonë publikisht se ndeshja duhet të përsëritet. Federata franceze e futbollit thotë se pajtohet me vendimin e FIFA-s.

Dhe kështu, reputacioni i futbollit si sport i hileqarëve bëhet i pakundërshtueshëm.
Futbolli si sport tani ia vlen te shikohet vetem kur luajne ekipet e mahallave. Në nivele më të larta ka marrë fund si sport dhe është bërë biznes 100%, shit e blej.

Nëse "dora e Zotit" të Maradonës ishte në një epokë tjetër, pa qindra kamera nëpër stadiume, pa kompjutera të sofistikuar dhe "repriza" të menjëhershme, çka e pengon futbollin sot që të bëhet më i ndershëm???