[roadrunner]

Reportazh-dokumentar. Transmetohet çdo të hënë në orën 19:00. Trajton jetën e skamnorëve në Kosovë, si mbijetojnë ata pa asnjë të ardhur, pa kulm mbi kokë, me ndihma të ulëta sociale. Qëllimi i reportazhit është që të tërheq vëmendjen e organeve qeveritare që të punohet në këtë drejtim, mirëpo reportazhi deri tani ka arritur të tërheq vëmendjen vetëm të qytetarëve të rëndomtë si të atyre që jetojnë në Kosovë, ashtu edhe atyre nga Diaspora.

Rezultat i reportazhit "Edhe unë jam Kosovë" janë shtëpitë e ndërtuara në Prishtinë, Fushë Kosovë, Runik të Skenderajit, shtëpitë e rinovuara në Podujevë, Drenas, etj., ndihma në orendi shtëpiake, në veshmbathje dhe në para për familje të shumta. Deri tani kamera e RTV 21 ka shënuar ndihmat në para në vlerë prej më shumë se 50,000.00 eurosh, ndërkohë që ka shumë njerëz tjerë që kanë ndihmuar pa paralajmëruar RTV 21 për ndihmën e dhënë.