[Domira]

21 janari dita e shuarjes së Presidentit Rugova, cdo vit e më tepër po bëhet ditë e madhe për Kosovën dhe popullin. Në këtë ditë të gjithë së bashku po e përkujtojmë dhe po rikthejmë mendjen dhe zemrën nga Njeriu i cili i pari e cliroi mendjen e shqiptarëve dhe na mësoi si të artikulojmë vullnetin tonë për Liri dhe Pavarësi. Presidenti na mësoi se si të jemi të urtë dhe të guximshëm njëkohësisht, përballë botës për për ti shtruar kërkesat tona si të gjithë njerëzit e lirë në botë. Kjo mënyrë e re e komunikimit dhe e shprehjes së vullnetit të shqiptarëve u bë dhe mënyrë e re e sjelljes karshi miqve po edhe armiqve.
Presidenti Rugova me mirësinë, mencurinë dhe dashurinë e Tij, pushtoi mendjet dhe zemrat e popullit të vet të cilin e udhëhoqi dhe ndaj të cilit mbajti premtimin se do ti shërbejë deri në Lirinë, Pavarësinë dhe Demokracinë e Kosovës.
Kështu dhe u bë, ia la të gatshme popullit të vet Kosovën shtet të Lirë dhe të Pavarur, i la Kosovës miq të fortë të botës demokratike të cilët patën respekt të madh si për një burrështeti të rallë, mbajti fjalën ndaj popullit të vet dhe Kosovës të cilën e deshti dhe iu përkushtua deri në frymën e fundit.

21 janari dita kur Presidenti Rugova ndërroi jetë për shqiptarët kudo që janë po bëhet ditë e bashkimit të mendjeve dhe përkujtimit të sakrificës, punës dhe parimit për tolerancë, durim, angazhim, urtësi, vlera këto të cilat na i la Presidenti Rugova si trashëgim.

Pushoftë në paqë Presidenti Ibrahim Rugova dhe qoftë i përjetshëm kujtimi për Presidentin Historik, Dr Ibrahim Rugova!