[Albanian eX|PerT]

Udhërrëfyes për jetë të lumtur

A je i lumtur?
Këtë pyetje duhet t'ia parashtrosh vetvetes.
 Mund të jesh njeri që posedon pasuri shumë të madhe, mirëpo të mos jesh i lumtur…domethënë se lumturia nuk qëndron në pasuri.
 Mund të kesh famë të madhe, e të mos jesh i lumtur, domethënë se lumturia nuk qëndron te fama.
 Mund të kesh raporte të shkëlqyeshme shoqërore, e të mos jesh i lumtur, domethënë se lumturia nuk qëndron në raportet shoqërore.
 Mund të kesh familje, të cilët i do dhe të duan, e të mos jesh i lumtur, domethënë se lumturia nuk qëndron te familja.
 Mund të shëtitësh gjerë e gjatë dhe në vende të ndryshme, e të mos jesh i lumtur, domethënë se lumturia nuk qëndron në udhëtimet e ndryshme avanturiste.
 Mund të kesh pozitë të lartë apo status të rëndësishëm shoqëror e të mos jesh i lumtur, domethënë se lumturia nuk qëndron në pozitë e as status.
 Mund të qeshesh dhe bësh shaka shumë, e të mos jesh i lumtur, domethënë se lumturia nuk qëndron në këto veprime…

Pra, çka na qenka lumturia dhe sit a arrijë atë?

 Lumturia është ndjenjë shpirtërore kur të bëjmë një vepër fisnike…
 Lumturia është fuqi e brendshme që rrezaton në shpirt qetësinë dhe stabilitetin.
 Lumturia është përkrahje hyjnore që shpirtit i jep ngazëllim dhe zemërgjerësi.
 Lumturia është dëlirësi shpirtërore, pastërti e ndërgjegjes dhe bukuri shpirtërore.
 Lumturia është dhuratë dhe begati hyjnore, të cilën ia jep All-llahu atij që Do Ai, si shpërblim për veprat e tyre madhore që i kanë bërë…
 Lumturia është ndjenjë e thellë për kënaqësi dhe maturi (kanatë).
 Lumturia nuk është mall që ekspozohet në treg, i cili blihet dhe shitet, e blejnë të pasurit dhe privohen nga ai të varfrit, por është mall hyjnor, për të cilin njerëzit flijojnë shpirtin dhe çdo gjë të shtrenjtë për ta fituar atë.
 Lumturia është rehati shpirtërore.
 Lumturi është të futsh gëzimin në zemrat e tjerëve, të vizatosh buzëqeshjen në fytyrën e tyre, të ndiesh qetësinë kur u ofron ndihmë njerëzve dhe të kënaqesh me lezetin kur je bamirës.
 Lumturia qëndron në përmirësimin e mendimit negativ dhe shndërrimin e tij në mendim pozitiv dhe frytdhënës.
 Lumturia qëndron në qasjen realiste ndaj gjërave dhe ikja nga shikimi idealist i gjërave.
 Lumturia është aftësi për tu ballafaquar me presionet dhe ambientimi me to duke i kontrolluar reaksionet, nervozën dhe ndjenjat.
 Lumturia është dija e dobishme dhe veprat e mira.
 Lumturia është braktisja e mërisë, zilisë dhe lakmisë së asaj që posedojnë njerëzit.
 Lumturia qëndron në përmendjen e All-llahut, falënderimin e tij dhe adhurimin e mirë ndaj Tij.
 Lumturia është fitimi i xhennetit dhe shpëtimi nga zjarri, kënaqja me shikimin në fytyrën e ndershme të All-llahut. All-llahu, azze ve xhel-le, thotë:
﴿ وَأَمَّا الَّذِينَ سُعِدُوا فَفِي الْجَنَّةِ خَالِدِينَ فِيهَا مَا دَامَتِ السَّمَاوَاتُ وَالْأَرْضُ إِلَّا مَا شَاءَ رَبُّكَ عَطَاءً غَيْرَ مَجْذُوذٍ ﴾ [هود:108 ].
"E për sa u përket atyre fatmirëve, ata jan në xhennet përgjithmonë, sa të jenë qiejt dhe toka, përveç atë çka do Zoti yt (All-llahu ju dhuron) shpërblim të pakëputur". (Hud: 108). (shiko: "Dugutul-Hajat", fq. 151).

Disa fjalë mbi lumturinë

 I lumtur është ai që merr këshilla prej ndodhive të tjerëve, kurse fatzi është ai që të tjerët nga ndodhitë e tij marrin këshillë.
 Shtylla e lumturisë është nderi.
 Lumturia është të duash atë që punon e jo të punosh atë që do.
 I lumtur është ai që merr mësim nga e djeshmja dhe përfiton nga ajo, kurse fatzi është ai që grumbullon për tjerët dhe është koprrac me të mira ndaj vetvetes.
 I lumtur është ai që përfiton nga e kaluara, entuzijast në kohën e tashme dhe optimist në për të ardhmen.
 Lumturia e njeriut është në ruajtjen e gjuhës.
 Nuk mund të arrihet lumturia në jetë përpos se nëse jeton njeriu jetën i lirë dhe i çliruar nga çdo prang e epsheve dhe robëria e pasioneve.
 Lumturi është dashuria e flaktë për adhurime, animi i zemrës kah Krijuesi yt dhe prania e zemrës dhe mendjes në adhurime.
 Lumturia nuk blihet me pasuri, mirëpo mund ta shesësh me te.
 Drejtimi kah All-llahu, kthimi tek Ai, kënaqja me Te, mbushja e zemrës me dashuri ndaj Tij, përmendja e Tij e vazhdueshme, gëzimi dhe lumturia me njohjen e Tij janë shpërblime të shpejta, xhennet dhe jetesë që ase mbretërit nuk mund ta jetojnë.
 Shumë njerëz e mendojnë lumturinë në gjëra që ua sjellë vuajtjet.
 Mes fatzisisë dhe lumturisë është përkujtimi i fundit të gjërave.

Titulli i lumturisë

Imam Ibën Kajimi, rahimehull-llah, ka përmendur se lumturia mbështete në tre gjëra:
1- Kur ti vijnë begatitë falënderon;
2- Kur ti vijnë sprovat duron;
3- Kur të bëjë mëkat kërkon falje.
Pastaj thotë:
"Këto tre gjëra janë titulli i lumturisë së njeriut, shenja e shpëtimit të tij në dynja dhe ahiret dhe nga këto gjëra asnjëherë nuk largohet njeriu".

Dobitë e lumturisë

1- Lumturia i ofron njeriut rehati shpirtërore dhe dakordim me gjendjen e tij.
2- Lumturia i ofron familjes gëzim, qetësi dhe jetë të këndshme.
3- Lumturia i edukon fëmijët në natyrën pozitive të jetës.
4- Lumturia i ndihmon njeriut që të preokupohet me qëllimet fisnike në vend se të merret me vetveten dhe trupin e tij.
5- Lumturia i ofron trupit homogjenitet të shkëlqyeshëm, kurse kjo shkakton që organet e ndryshme trupit të punojnë si duhet.
6- Lumturia i jep njeriut mundësi që të jetë inovator dhe kreator.
7- Lumturia bëhet shkak që shoqërinë ta përshkon gëzimi, përputhja dhe rezultatet. (shiko: "100 Ide për të arritur lumturinë e vërtetë", dr. Salah Rashid, fq. 21).
(Vazhdon…)
Pjesa e dytë është me titull: " Hapat praktike për arritjen e lumturisë".
Përgatiti: Sektori shkencor pran Medarul-Vatan
Përshtati: Bekir Halimi</SPAN>

Sektori shkencor pran Medarul-Vatan,
23.2.2007

http://www.albislam.com