[Urata]

Ansambli "Rugova" i bëri homazhe Presidentit Rugova dhe ngushëlloi Kryesinë e LDK-së



--------------------------------------------------------------------------------

Prishtinë, 25 janar 2006 /TN /QIK - Anëtarët e snsamblit autokton të këngëve dhe valleve "Rugova", të veshur me kostume kombëtare, sot i bënë homazhe Presidentit Rugova. Ky ansambël kultivon traditën burimore folklorike rugovase, krahinë e njohur kjo shqiptare, së cilës i takon edhe familja e Presidentit Rugova.

Në mesin e anëtarëve të ansambilit ishin edhe moshat më të reja, të cilët do të përcjellin këtë traditë. Ky ansambël, i ardhur në tërësinë e tij për homazhe, më pas ka ngushëlluar edhe kryesinë e LDK-së, në mesin e të cilëve ishte edhe nënkryetari Kolë Berisha.

Pas ngushëllimeve ata janë nënshkruar edhe në librin e zisë të hapur nga LDK-ja, në selinë e saj. Poashtu edhe në selinë e LDK-së, vazhdojnë të vijnë numër i madh i delegacioneve, si nga Zvicra, Suedia, Italia, Brukseli etj.