[Albanalogu]

Nuk jam unë ndokush që po provoj të shes mend këtu në internet,por jam marr dhe ende mirrem me cështje të lartësuara politike.E që unë po duhet tash të shkruaj këtu në vend të ndokujt nga subjektet tona të kompetizuara politike që i kemi atje tek ne,vetëm cka dëshmon se cfarë subjekte janë ato në realitet.Por nejse.
Unë kuptoj që ju keni dëshirë të komentoni edhe mbi këtë cështje të tematizuar këtu,por ndonjëherë në jetë edhe nuk duhet ckadomos të trajtohet.Sidomos jo aso tematika që qartë kontribuojnë në keqësimin e raporteve të brendësishme nacionale.
Pa u thelluar qenjësisht në këtë konflikt arabo-izraelit,do të ju kisha informuar se nuk është gjithëcka ashtu siq ju ndëgjoni nga mediat apo qarqet propagandiste politike të ndryshme.Konflikti i përmendur është shumëshekullor,dhe si i tillë parimisht kurrë nuk ka patur esencë ideologjiko-fetare.Thjeshtësisht ai konflikt,gjithëmonë ka qenë i strukturave ekspansioniste e territoriale.Në një mënyrë,edhe armiqësia jonë me sërbët është e ngjashme.Apo në epoka të mëherëshme edhe okupacionistët tjerë.A duhet të ju përkujtoj këtu se ne dikur kemi luftuar edhe kundër perandorisë Osmane.E që këta ishin të besimit musliman.Se Ne,në tërë historinë tonë ishim Ne.Të pandryshueshëm.Të mos provoj ndokush të devijoj nga ky aspekt etnik,ngaqëse vetëm cka futet në një deshtim personal,e nga ne të gjithë do të konsiderohet si antikombëtar.
Sikur ata,okupacionistët më tutje,të na e kishin respektuar të drejtën e integralitetit tokësor tonin,edhe sot ne me ta do të ishim fqinjë apo partnerë të respektuar.Cdokush me përkatësinë e vet fetare.E që në konflikte ndërshtetërore botërore,si armë më e volitshme e prioritare zgjidhet, referimi në mostolerancën religjioze,ka të bëj me faktin se pushtetarët asisoji mundohen të e kamuflojnë arsyen e vërtetë të inicijimit të luftës.Jo ndryshe.
Në këtë rast konkret këtu,asnjëra anë nuk mund të favorizohet a njëanshmërisht të fajësohet.Që të dyjat janë për një kritikë të njëjtë objektive njerëzore.E ky qëndrim përparimtar përndryshe,është i tillë zyrëtar e ekzistues,në pothuaj të gjitha vendet demokratike në botë.Deklarimet anësore nga disa kryepolitikanë të përmendur,në ato më tash janë të sakta,llogariten vetëm si një nga gafet e tyre të shumta,në karierën e tyre politike.Asgjë tjetër.
Nëmos tjetër,Europa e sotme atëherë ende nuk është e disponuar të zgjedh pozicionimin favorizues në këtë cështje.Ajo për hirë të prezervimit të kompaktësisë së saj multietnike ate qëndrim do të e ruaj edhe në të ardhmën.
E prej nga po dalim tash ne shqipëtarët,para të gjithëve,të zgjedhim anë.
E vërteta e padiskutueshme në cdo pikëpamje këtu është se,si Izraeli në rol të agresorit që është fajtor për keqësimin e situatës së atjeshme në rajon,në të njëjtën formë edhe Hizbollahi,është përgjegjës për shumë akte të pamatuara e iracionale politike e ushtarake,kundrejt atij të parit.Njëra ushtri hedh predha sulmuese direkt në pjesë të banuara me civilë,edhepse qartë i ka të skicuara pozicionimet ushtarake të armikut.E ushtria tjetër si kundërpërgjigje refleksive,me një pangurrim jonjerëzor e në mënyrë imediate,angazhon granatimin e raketimin e palës kundërshtare.Poashtu të banuara me civilë.
Armiqësitë e veta këto dy përkatësi etnike në Orient të Mesëm,është dashur që moti e me kohë,të i zgjedhin në mënyrë o diplomatike e njerëzisht të akseptuar,o në ate konvencionale e ushtarake,më pak të dëshiruar.Jo kësisoji.Me terrorizëm.Duke shfarosur njerëz të pafajshëm, dhe në atë mënyrë cënuar e thyer cdo ligj të mundshëm e ekzistues mbi të drejtën e zhvillimit të luftës.
Sidoqë të jetë kush jemi ne ata që,ndër të parët të ndërhyjmë me komentime anësore në këtë cështje,kur dihet bukur mirë se ato komentime pa dashur na cojnë në kontradita të padëshiruara e që ato pastaj vetvetiu, shpiejnë në përcarje kombëtare tonën.
Mos e teproni!Se nuk jeni të vegjël.
Një pjesë e madhe e botës arabe zgjedh të njëjtin qëndrim qortues të përmendur të Europës.E disa nga ta edhe, ndajnë miqësinë e Amerikës.Aleate e njëanshme në konflikt.E ne këtu provojmë t´ia mbajmë anën ndokujt.
Në anën tjetër me padyshim jo e gjithë Amerika (populli amerikan) është në favor të këtyre ndërmarrjeve eksesive,të panevojshme e për paqë globale të dëmshme,të administracionit aktual Bush.
Sa absurd!
Involvimi ynë në këto punë delikate politike,do të rezultonte ndarësi e përcarje vëllazërore.Garant!
Ata të besimit musliman,natyrisht se menjëherë do të anonin nga pjesa muslimane,e këta të besimit të padefinuar,në emër të solidarizimit me Amerikën,mikun e tyre të pakontestuar.
Cka bëhet atëherë?!Ndarja në dysh e jona kuptohet.
Për cka?!Për punë të huaja.
Ju përkujtoj edhe njëherë se ato veprime nuk janë kombëtare.Ne nuk mundemi edhe të ndarë e të copëtuar, të luftojmë për një komb.Kombi ynë është ai shqipëtar,e jo arab a izraelit.
Më duket që ne të gjithë këtë duhet të e kemi të qartë e të mos e harrojmë kurrë.
Kategorisht ju them se prononcimet:"edhe shqipëtar edhe hizbollah" e "edhe shqipëtar edhe jahudi"tek populli shqipëtar,as nuk kanë shkuar bashkë,e as kurrë nuk do të shkojnë.Të gjitha tentimet për ndonjë propagandë identike do të jenë të pasuskseshme për ne.Cdokush vetëm cka mund të i shkaktoj problem vetes.Ngaqëse ne shqipëtarët,nuk do të vonoj shumë,dhe në një mënyrë a tjetër do t´i përtërijmë e përforcojmë bazat tona kombëtare.E me atë rast me pamëshirë,do të përkujdesimi
ndër tjerash,edhe për crrënjosjen e cdo elementi reaksionar e antikombtar të infiltruar.
Moderatorit i propozoj mbylljen e kësaj temë këtu krejtësisht,dhe asisoji të parandalohet acarimi i situatës së tendosur,si dhe në vazhdim,të evitohet e dëbohet cdo keqpërdorim i mundshëm i këtij sajti mbarëshqipëtar,për mostolerancë religjioze e për armiqësim të brendshëm kombëtar.

nderime!