[4peace]

1

Mbani barrët e njëri-tjetrit dhe kështu do të përmbushni ligjin e Krishtit.

2

Sepse në qoftë se dikush mendon se është diçka, pa qenë asgjë, ai gënjen veten e vet.

3

Dhe secili të analizojë veprën e tij dhe atëherë do të ketë arsye të mburret vetëm për veten e tij dhe jo lidhur me tjetrin.

4

Sepse secili do të mbajë barrën e vet.

5

Ai që merr mësim në fjalën, le ta bëjë pjestar të të gjitha të mirave të tij atë që e mëson.

6

Mos u gënjeni: Perëndia nuk vihet dot në lojë, sepse ç`të mbjellë njeriu, atë edhe do të korrë.

7

Sepse ai që mbjell për mish të tij, do të korrë nga mishi i tij prishje, por ai që mbjell për Frymë, do të korrë nga Fryma jetë të përjetshme.

8

Le të mos lodhemi duke bërë të mirën; sepse, po të mos lodhemi, do të korrim në kohën e vet.

9

Prandaj, sa të kemi rast, le t`u bëjmë të mirën të gjithëve, por në radhë të parë atyre që janë në familjen e besimit.

10

Shikoni me çfarë shkronjash të mëdha ju kam shkruar me dorën time!

11

Të gjithë ata që duan të duken të mirë në mish, ju shtrëngojnë që të rrethpriteni vetëm që të mos përndiqeni për kryqin e Krishtit.

12

Sepse as vetë ata që rrethpriten nuk e zbatojnë ligjin, por duan që ju të rrethpriteni, që ata të mburren në mishin tuaj.

13

Sa për mua, mos ndodhtë kurrë që unë të mburrem me tjetër gjë, veç për kryqin e Zotit tonë Jezu Krisht, për të cilin bota është kryqëzuar tek unë edhe unë te bota.

14

Sepse në Jezu Krishtin as rrethprerja, as parrethprerja s`kanë ndonjë vlerë, por krijesa e re.

15

Dhe të gjithë ata që do të ecin sipas kësaj rregulle paçin paqe dhe mëshirë, e ashtu qoftë edhe për Izraelin e Perëndisë.

16

Tash e tutje askush të mos më trazojë, sepse unë mbaj në trupin tim shenjat e Zotit Jezus.

17

Vëllezër, hiri i Zotit tonë Jezu Krisht qoftë me frymën tuaj. Amen.

18

Pali, apostulli i Jezu Krishtit me anë të vullnetit të Perëndisë, shenjtorëve që janë në Efes dhe besimtarëve në Jezu Krishtin:

Nëse e lexojmë me vëmendje Kapitullin VI, Galatasve…
…mund të vëmë re
… se kemi të bëjmë më një autor të kohës pas Shën Palit (Verseti 18.)…
…se Galatasve është në kundërshtim të plotë me Ungjijtë
…se autori (kushdoqoftë ai) , për ta ngritur veten më lart, së pari e ngritë shën Palin në Dishepull të Jezusit (si e shpjegon feja e krishterë të qenit dishepull i dikujt që tashmë është i vdekur???), kurse, çka dhe nenkuptohet vetvetiu, e ngrit Jezusin në fronin e Zotit – duke e bërë/quajtur Zot, Perëndi…
…se Galatasve në fakt e lavëdron shën Palin, ashtuqë t’ia humbasë gjurmët Shën Pjetrit. Sepse këta dy (sh. Pali dhe sh. Pjetri) kanë qenë jo vetëmse bashkëkohës por edhe konkurrentë të fortë…
…prandaj dhe, kur më vonë, kisha ka vendosur të ndahet nga Pjetri dhe të përcaktohet për Palin, në mënyrë të qartë e kundërshton idenë e Pjetrit, i cili ka qenë i angazhuar për t’iu përmbajtur Dhjatës së Vjetër, ku mes tjerash bën pjesë edhe rrethprerja (apo syneti siç i themi ne)…
Nejse, thash çfarë nuk thash, me këtë po më intereson një pyetje:
Si është e mundur të jesh dishepull i Jezu Krishtit në një kohë kur ai ka vdekur qyshmoti?
Nuk është pyetje provokuese, nëse kjo dikujt i duket ashtu. Thjeshtë dëshiroj ta dëgjoj shpjegimin sipas variantit përkatës.


***