[Zero Cool]

Forma e komunikimit në internet me kalimin e kohës ka ndryshu, dikurë ishte forumi një vend ku po shkëmbenim mendime, po "rrahnim" tema të ndryshme, vend ku së paku cdo mbrëmje po vinim të lexonim dicka apo të shkruajm dicka...
Tani më edhe qeveritarët së bashku me Kryeministrin po komunikojnë nëpërmjet facebook-ut, një dekleratë e tyre e cila as që është e tyre por është e mirëmbajtësve të accountit të tyre, del si lajm kryesorë në mediat vizuele , TV.

Mirëpo prap se prap forumet egzistojnë edhe mirëmbajtja e tyre egziston/kushton, në rast se pronari nuk mund ti përballoj shpenzimet e domainit, janë reklamat dhe chati ato që e zbusin sadopak këtë, por gjithsesi edhe forma e donacionit nuk është e prejashtueshme dhe shpeshherë është e akceptuar nga anëtarët. Sidomos nëse egziston rreziku nga humja e të gjithë kësaj pasurie e cila me dhjetëra vite është derdhur këtu, besoj që do të gjinden edhe donatorët e hapur apo anonim sikur që ka thënë e respektuara halla e madhe.


Sidoqoftë, mendoj që dhënja e mundësisë së donacioneve si ide nuk është e keqe , por gjithsesi duhet pasë parasysh disa gjëra të cilat e përcjellin këtë forum qysh nga fillimi.
Dhënja e një donacioni kurrsesi nuk guxon të cënoj pikat e shkruara mëposhtë, kjo për faktin se ky forum dhe stafi i tij kurrë nuk ka lejuar që të shëndrrohen në vegël të ndonjë partie politike apo Zoti mos e bëftë të ndonje sekti fetarë.

Ky forum ishte forum Shqiptar dhe i tillë të mbetet ose i tillë të shuhet.

Duke e ditur që në jetën reale po jepen shumë para pë qëllime politiko-fetare nga më të ndryshmet, marr përgjegjësinë që para pronarëve, stafit dhe shumicës apsolute të anëtarëve ta them këtë:
* Mos të mendohet që me donacione (donatori pra) ky forum, forumi ynë i dashur të shëndrrohet në kuvend partiak e aq ma pak në vend xhihadist apo i ndonjë rryme tjetër fetare.
** Nëse ky është qëllimi atëherë ma mirë të shuhet.
*** Mos të mendojnë donatorët e mundshëm që do të kenë privilegje në krahasim me të tjerët nëse vijnë ndesh me ndonjërën nga pikat në vijim:

" 1. Forumi Dardania si një faqe neutrale ndaj bindjeve politike, krahinore e fetare, ju ofron të gjithë diskutuesve qasje të lirë në diskutime pa i cenuar asnjërit të drejtën e lirisë së mendimit e të shprehurit lirshëm të mendimit, ndërgjegjes dhe besimit, por të limituar në kufijtë, të cilët anëtarëve tjerë të kuvendit u sigurojnë gëzimin e të drejtave të barabarta.

2. Secili diskutues pa marr parasysh seksin, bindjen politike e krahinore, besimin; është i lirë të shprehë mendimet dhe idetë e tij pa u penguar.

3. Çdo anëtar është i përgjegjshëm vetë për atë që shkruan, e kurrsesi stafi drejtues.

4. Gjuha e këtij komuniteti është shqipja zyrtare, përjashtim bëjnë rubrikat e caktuara si "të flasim në gjuhët e huaja".

5. Nuk lejohet fyerja, ofendimi, sharja, nënçmimi dhe tallja në llogari të diskutuesve tjerë dhe stafit drejtues, përdorimi i fjalëve fyese, ofenduese e banalizmave.

6. Nuk lejohen fyerjet dhe ofendimet në llogari të liderëve dhe përfaqësuesve të institucioneve shtetërore e fetare.

7. Nuk lejohen shkrimet abuzuese, vulgare, të neveritshme, urryese, kërcënuese, shpifëse etj. "


Me respekt, administratori i juaj, Zero Cool.




PS: donatori, ti si përgjegjës për infrastrukturën dhe teknikën, na mundëso mesazhet private "normale" dhe shih rregullo panelin e administratoreve, të lutem.