[Fshatari]

Postimi origjinal është bërë nga Zero Cool

Prishtinë, 16.03.2013

Guajana ka njohur Republikën e Kosovës si shtet të pavarur dhe sovran, njofton ministria e Jashtme e Kosovës. Ministri, Enver Hoxhaj, nëpërmjet një bisede telefonike me homologen e tij të Guajanës, Carolyn Rodrigues– Birkett është informuar për vendimin, thuhet në njoftimin e Ministrisë së Jashtme të Kosovës. Aty thuhet se ministri Hoxhaj në muajin shkurt, gjatë samitit të Organizatës për Bashkëpunim Islamik që ishte zhvilluar në Egjipt, ka takuar ministren Carolyn Rodrigues–Birkett e cila kishte shprehur mbështetjen e shtetit të saj për Kosovën, duke premtuar njohjen e Kosovës.

Ministri Hoxhaj ka zhvilluar disa vizita në Amerikën Qendrore dhe Jugore në përpjekje për t’i bindur shtetet e kësaj pjese të botës që ta njohin pavarësinë e Kosovës.

Guajana, është një shtet i pavarur në bregun verior të Amerikës jugore. Guajana, është shtet anëtar i komunitetit të Karaibeve, i njohur si Caricom dhe në kryeqytetin e saj, Chorxhtaun. Ky shtet është po ashtu anëtar i unionit të kombeve të Amerikës jugore, si dhe nga viti 1966 është anëtar i Kombeve të Bashkuara. Me vendimin e Guajanës, numri i shteteve që e kanë njohur Kosovën shtet ka arritur në 99.

Flm Carolyn Rodrigues–Birkett dhe Guajanen per kete njohje ne kete moment te rendesishem per shtetin tone. Po i afrohemi OKB dita dites, e po i largohemi presionit te brukselit qe nuk e njeh shtetin e Kosoves.

PS: Çfare bisedimesh mund te behen me nje union qe nuk te njeh si shtet ? !

Duhet me iu dhane fund paçavurave e legenave t'evrops.