[Zero Cool]

Një person therret me thikë, i dyshuari arrestohet


Në rrugën “SHpëtim Robaj”, në Prishtinë një 17 vjeçar është therrë me thikë si pasojë e një mosmarrëveshje. Policia në lidhje me rastin ka arrestuar tëdyshuarin Y.V 15 vjeç.





Policia raporton se ka marrë informacionin se në rrugën “Shpëtim Robaj” në Prishtinë, ka ndodhur një therje me thikë.

Menjëherë pas marrjes së këtij informacioni në vendin e ngjarjes kanë dalë të gjitha njësitet e nevojshme policore, të mbështetura edhe nga hetuesit e stacionit policor të veriut, si dhe njësitë e tjera për ekzaminim të vendngjarjes.

Me të dalë në vendin e ngjarjes policia ka konstatuar se ka të bëj me një rast të therrjes me thikë, ku lëndime të lehta trupore ka pësuar F. T mashkull, 17 vjeç, i cili menjëherë është dërguar në QKUK për trajtim mjekësor.

Në kontinuitet të veprimeve të saj, policia me një intensitet të shtuar ka ndërmarrë një varg veprimesh operative e hetimore, me fokus zbulimin e identitetit dhe vendndodhjen e të dyshuarit të mundshëm, si dhe ka zgjeruar rrethin e hetimit në përpjekje për të ndriçuar dhe sqaruar të gjitha rrethanat që kanë të bëjnë me rastin.

Si rezultat i kësaj pak çaste më vonë policia ka arritur të identifikoj dhe të arrestoj Y. V mashkull 16 vjeç, për të cilin dyshohet me bazë të jetë i përfshirë në rastin në fjalë.

Mbështetur në rezultatet e para të punës policore hetuesit kanë ngritur verzionin e hetimit se ngjarja është paraprirë nga një mosmarrëveshje në mes të të dyshuarit dhe viktimës.

I lënduari ka qëndruar në QKUK deri rreth orës 20:00, pastaj është liruar në shtëpi, pasi gjendja e tij shëndetësore, është konstatuar të jetë e mirë, përderisa ndaj të dyshuarit, policia ka shqiptuar masën e arrestit policor dhe e ka dërguar më pas në qendrën rajonale të paraburgimit në Prishtinë, për hetimin e mëtejm të rrethanave të rastit, para se rasti t’i kaloj Gjykatës kompetente.