[pokeri]

YLL ZEMRE

Pranë stolit të gërvishtur
Kish hapur degët shelgu
Përmallshëm vajtonte
Mbi t’onat hije
Errësira qe zhveshur
Dhe hëna e strukur pas reve
Peshonte mëkatin
E stinës që po ngrysej.

Si ëndërr e prerë befas
Nga një lëkundje dore
Që të prek në mëngjes
Apo cingërimë ore
Që pa mëshirë të godet në vesh
Nën degët e holla
U këput dashuria
E lotët rrodhën qetas.

Nuk e dij cili yll
U fik asaj nate
Derisa vështronja ikjen
E një femre
Veç drithërimë çerpikësh
E boshësi
U fik një meteor
Apo një yll zemre?