[Naki]

Si shkaktohet kjo sëmundje?


Pamje mikroskopike e baktereve pneumokoke

Meningjiti „klasik”, i quajtur edhe pezmatimi i cipës së trurit, është pezmatim akut bakterial, i cili shfaqet sidomos tek moshat fëmijërore dhe rinore. Meningjitin bakterial në të shumtën e rasteve e shkaktojnë meningokoku, pneumokoku dhe hemofilus influenzae. Bakteret këtu barten gjatë shtitjes dhe kollës dhe janë tepër ngjitëse. Simptomat e meningjitit janë tepër jospecifike, duke filluar me simptomat e ngjashme sikur tek gripi, të përcjella më pas me temperatura. Meningjiti – rrallë, por shumë i rrezikshëm Gjithçka mbi një epidemi pak të njohur dhe mbi mënyrat e mbrojtjes nga ajo mi të lartë dhe me dhembje koke të padurueshme. Pastaj vjen deri tek një shtangim i theksuar i qafës, gjithashtu paraqiten edhe shumë njolla në trup, të cilat shkaktohen nga hemorragjitë në vena. Në stadin e mëtejmë të sëmundjes shfaqen ndryshime në lëkurën e pacientëve, ata janë të shqetësuar, të mpirë, vjellin dhe anojnë kah alivanosja. Pasojat që mund të shkaktohen nga meningjiti janë të shumta. Kështu mund të vije deri tek dëmtimi i veshkave, shoku septik, dëmtimi i sistemit qendror nervor dhe dëmtimi i shqisës së të dëgjuarit. Meningjiti si infektim kolle haset shumë shpesh. Ai mund të paraqitet nga disa shkaktarë. Shkaktarë të shpeshtë janë viruset flavus, të cilat barten përmes rriqrave, dhe disa shkaktarë tjerë të gripit viral. Edhe mungesa e higjienës dhe uji i papastër i pijshëm mund të shpijnë deri tek infektimi, pasi që uji i papastër bartë me vete shumë viruse, të cilat pastaj për shkak të mungesës së higjienës shpërndahen pa pengesë nëpër trup.

Si mund të mbrohem?

Ekspertët mjekësorë e ndajnë meningjitin në grupe të ndryshme, jo vetëm sipas shkaktarëve të ndryshëm dhe sipas shkallës së rrezikshmërisë, por edhe për të mundësuar zhvillimin e vaksinave efikase. Secili vaksinim i veçantë mbrojtës ndikon vetëm kundër një grupi të meningjitit. Për grupin A dhe sidomos për grupin e rrezikshëm C ekzistojnë tashmë vaksina tejet efektive. Vaksina për grupin B është ende në zhvillim. Vaksinimi mbrojtës është shumë i rëndësishëm, ai nuk i mbron vetëm personat e vaksinuar nga shpërthimi i sëmundjes, por pengon edhe përhapjen e shkaktarëve. Në luftën kundër meningjitit prevencioni luan një rol të rëndësishëm. Një mbrojtje të sigurt nga kjo sëmundje e ofron vetëm vaksinimi preventiv. Natyrisht edhe karantinat, si dhe mjekimi me antibiotikë llogariten gjithashtu si masa preventive për të penguar përhapjen e sëmundjes. Së paku po aq i rëndësishëm është edhe informimi i popullsisë.