[Albanian eX|PerT]

Sinqeriteti dhe këshilla e sinqertë


Tamim Dariu r.a ka thënë: "Profeti (a.s) tha tri herë: \'Kjo fe është këshillë (sinqeritet dhe këshillë e sinqertë).\' Ne i thamë: \'Për kë?\' Ai u përgjigj: "Për Allahun, për librin e Tij, për të Dërguarin e Tij, për prijësit e myslimanëve dhe për njerëzit e thjeshtë." (Transmeton Muslimi në sahihun e tij (nr. 55)





</SPAN>
Në komentin e këtij hadithi imam Neveviu ka thënë:</SPAN>
"Përsa i përket sinqeritetit ndaj Allahut- më të Lartit- do të thotë të kesh besim tek Allahu dhe të mos i shoqërosh Atij shok askënd. Të braktisësh ihadin (mohimi apo ndryshimi i kuptimit të emrave dhe cilësive të Allahut) lidhur me cilësitë e Tij. Ta përshkruash Atë me cilësitë e tërësisë, përsosmërisë dhe madhështisë dhe të deklarosh se Ai qëndron larg çdo të mete. Të shmangësh ç\'do mosbindje ndaj Tij. Të duash për hir të Tij dhe të urresh për hir të Tij. Të mbash marrëdhënie të mira me ata që i binden Atij dhe armiqësi me ata që nuk i binden Atij. Të luftosh ata që nuk e besojnë Atë. Të jesh i sinqertë në çdo çështje. Të thërrasësh në atë që përmendëm më lart dhe të nxisësh të tjerët për tek ajo. Të shfaqesh mirësi ndaj njerëzve, në formën më të mirë të mundshme, gjatë kësaj thirrjeje. El-Hatabi (388 hixhri) ka thënë: "Ky pohim i referohet sinqeritetit te robit me veten e tij, sepse Allahu i Lartësuar nuk ka nevojë për sinqeritetin e askujt. </SPAN>


</SPAN>
Përsa i përket sinqeritetit ndaj Librit të Tij- do të thotë të besosh se është Fjala e Allahut- më të Lartit- dhe shpallje prej Tij. Asnjë ligjërim krijues nuk është i ngjashëm me të. Asgjë nga krijimi nuk mund të matet me të. Pra të respektohet siç i takon, duke e lexuar dhe duke vepruar sipas udhëzimeve të tij. Dhe të jesh i përkushtuar tek vepron kështu. T\'i lexosh me kujdes shkronjat e tij. Ta mbrosh nga keqinterpretimet e tahrifxhinjve (atyre që shtrembërojnë domethënien e tij) dhe nga sulmi i atyre që e sulmojnë. Të besosh çka thuhet në të dhe të pohosh rregullat e tij. Të mësosh shkencat dhe të mësosh nga shembujt e tij. Të marrësh mësim nga paralajmërimet e tij dhe të meditosh mbi çështjet domethënëse. T\'i vësh në zbatim ato që janë të qarta dhe t\'u nënshtrohesh atyre që nuk janë të qarta. Të kuptosh çështjet e përgjithshme dhe të veçanta, të pezulluara dhe pezulluese. Të përhapësh shkencat e tij dhe të bësh thirrje në to. E gjithë kjo është sinqeritet ndaj tij.</SPAN>


</SPAN>
Përsa i përket sinqeritetit ndaj të Dërguarit të Allahut- të dëshmosh për të vërtetën me të cilën ai u dërgua. T\'i bindesh në atë që urdhëroi dhe ndaloi. Ta ndihmosh atë në jetë e në vdekje. Të jesh në armiqësi me ata që janë armiqtë e tij dhe të jesh aleat me ata që janë aleatë të tij. Të respektosh të drejtat dhe nderin e tij. Të ripërtërish rrugën dhe traditën e tij. Të thërrasësh njerëzit në rrugën dhe Sheriatin e tij. Të largosh dhe luftosh çdo dyshim që ngrihet kundër tij. T\'u kushtosh vëmendje të plotë shkencave të hadithit. Të mundohesh të kuptosh domethënien e tyre dhe të thërrasësh në to. Të jesh i butë dhe i mirë kur i mëson dhe kur ua mëson të tjerëve. T\'u japësh atyre vendin dhe rëndësinë e duhur. Të kesh sjelljen e duhur kur i lexon. Të mos flasësh për to pa pasur njohuri. T\'i respektosh njerëzit që u përmbahen atyre. Të duash ehlil bejtin dhe sahabët. T\'u largohesh atyre që sajojnë bidate për sahabët e tij, madje dhe atyre që flasin hidhur qoftë dhe për njërin prej tyre. </SPAN>


</SPAN>
Sinqeriteti ndaj udhëheqësve: t\'i ndihmosh për të vërtetën. T\'u bindesh atyre në të. T\'i urdhërosh me të. T\'i përkujtosh dhe t\'i këshillosh me mirësi dhe butësi. T\'i ndërgjegjësosh kur janë të pavëmendshëm dhe neglizhentë dhe t\'i ndihmosh të përmbushin të drejtat e myslimanëve, dijenia për të cilat nuk u ka arritur akoma. Të mos ngresh krye kundër tyre. T\'i ushqesh zemrat e njerëzve me bindje ndaj tyre. El-Hatabi (v. 388 hixhri) thotë: "Prej sinqeritetit ndaj tyre është falja pas tyre, xhihadi me ta, zekati tek ata dhe të mos u kthehesh me shpatë kur padrejtësia apo trajtimi i keq shfaqet tek ata. Të mos lëvdohen me lëvdata të rreme dhe të bëhen dua të sinqerta për devotshmërinë e tyre." E gjitha kjo bazohet në faktin se kur themi udhëheqësi i myslimanëve kemi për qëllim kalifin dhe të tjerët përveç tij, gjer tek administratorët që marrin përsipër çështjet e myslimanëve. El-Hatabi gjithashtu thotë: "Ajo gjithashtu ju referohet dhe imamëve që janë dijetarët e fesë. Sinqeriteti ndaj tyre përfshin: të pranosh çka ata transmetojnë, t\'i pasosh në rregullat e fesë dhe të kesh mendime të mira për ta." Sinqeriteti për myslimanët në përgjithësi- përfshin të gjithë të tjerët përveç udhëheqësve dhe dijetarëve. Sinqeritet ndaj tyre do të thotë t\'i udhëzosh për tek ajo që është në dobi të tyre, në dynja e ahiret. Të largosh dëmin prej tyre dhe paditurinë fetare. T\'i ndihmosh për këtë me fjalë dhe vepra. T\'i urdhërosh për mirë dhe t\'i ndalosh nga e keqja, duke qenë i butë, i sinqertë dhe i dhembshur me ta. Të kesh respekt për të moshuarit dhe mëshirë për të vegjlit. T\'u japësh të drejtën dhe të mos jesh hileqar ndaj tyre. Të duash për ta atë të mirë që do për veten tënde dhe të urresh për ta atë të keqe që urren për veten tënde. Të mbrosh pasurinë dhe emrin e tyre me fjalë dhe vepra. T\'i nxisësh dhe t\'i këshillosh të përvetësojnë në moralin e tyre gjithçka përmendëm dhe t\'i frymëzosh për punë të mira. Ka pasur nga selefët (Allahu qoftë i kënaqur prej tyre) këshilla e të cilëve ishte aq e fortë sa i shkaktonte dëm të pallogaritshëm në çështjet e dynjasë. Allahu e di më së miri." </SPAN>

http://www.vizion-islam.com