[Dilaver]

Condoleezza Rice, flirt me ministrin kanadez


“Diplomati më influencues i botës dhe më i kërkuari i Kanadasë duket se e pëlqen me të vërtetë”, kështu “New York Times” në faqen e parë dhe “Toronto Star” në internet flasin për 23 orët që kanë kaluar së bashku Condoleezza Rice dhe ministri kanadez Peter MacKay. Ata janë fotografuar gjatë një vizite zyrtare ku dhe më pas kanë darkuar së bashku. Shikime domethënëse dhe buzëqeshje të ëmbla, kanë qenë shoqërueset e Condoleezza Rice në udhëtimin e saj diplomatik në Kanada. Flitet për një histori dashurie midis sekretares së Shtetit dhe ministrit kanadez Peter MacKay. Ndaj, prestigjiozja “New York Times” nuk ka hezituar ta jape këtë lajm në faqen e parë. 51 vjeçja “Zonja e hekurt” nuk është mësuar me publikimin e gjërave personale.
Një foto, e cila i shfaq të dy të kapur për dore, është publikuar në faqen e parë të “New York Times”. “Është i gjatë dhe zeshkan”, shkruan Times. Për më tepër, ministri i Otavas ka qenë gjithnjë i fiksuar për të pasur Condin për vete, edhe kur ajo e ka prezantuar me familjen e saj. Një zëdhënës i shtetit, në lidhje me darkën që ka kaluar Rice me ministrin kanadez, ka thënë: “Nuk kishte asnjë qiri të ndezur, por ishte një dhomë e ndriçuar nga drita artificiale”.