[Kalt]

SHBA paralajmëron për sfidën iraniane

Bolton dhe Rice thanë se Irani është sfidë për SHBA-nëAmbasadori amerikan në OKB, John Bolton ka thënë se programi bërthamor i Iranit është një provë për Këshillin e Sigurimit.
Pesë anëtarët e përhershëm të OKB-së janë duke diskutuar se çfarë veprimesh duhen ndërmarrë, nëse do të merren, në bazë të raportit të agjencisë atomike të OKB-së.
Agjencia atomike ka arritur në përfundimin se nuk është e sigurt nëse programi i pasurimit të uraniumit të Iranit është vetëm për qëllime paqësore.
Zoti Bolton tha se aktivitetet e Iranit duhen ndjekur me shumë vëmendje.
"Çështja e programit të armëve bërthamore të Iranit është provë për Këshillin e Sigurimit dhe aftësinë e Këshillit për t'u marrë me kërcënimin e përhapjes së armëve bërthamore që Irani paraqet e kjo duhet ndjekur me shumë vëmendje dhe kjo është pse Presidenti vazhdimisht ka thënë se nuk ka ndonjë opsion jashtë tryezës së bisedimeve. Ai tha se armët bërthamore në duart e qeverisë iraniane janë të papranueshme dhe preferenca jonë që po ndjekim është të përpiqemi të arrijmë diçka me anë të Këshillit të Sigurimit. Ne do të shohim nëse do të kemi sukses, por kjo është natyra e testit me të cilin po përballemi ne tani duke filluar me konsultimet e pesë anëtarëve të përhershëm dhe duke vazhduar nesër dhe javën që vjen me diskutime të tjera në Këshillin e Sigurimit."


VOA