[4peace]

*


Kjo „pamje“ paraqet një ujdhesë n’midis një oqeani duke i shikuar (6)yjet (duke menduar për cilin me u kapë (sepse, kjo ujdhesa, ende nuk posedon me anije për të lundruar drejt „ujdhesave“ tjera).

S’di sa e madhe është e gjithë kjo „ujdhesë“ në krahassim me „ujdhesat“/tokat tjera, por mua më duket si kontinent në vehte…Cili? I 6-ti apo i shtati?

Tash (më) seriozisht:
Ngjyra e këtij flamuri janë të përzgjedhura në bazë të politikës së ditës, pra ngjyrës së kaltërt (blu), që ka të bëjë me Europën, rrespektivisht Bashkimin Europian (nëse një ditë cofë ky Bashkim… i humb boja edhe këtij flamuri, çka dëshmon se ne jetojmë vetëm duke improvizuar, kështuqë duhet të improvizojmë flamuj sa herë të ndërrohet moti/moda…). Në mes tregohet harta e Kosovës (lus Zotin që së paku ky territor i vizatuar në flamur të mbesë nën kontroll/kompetenca tona [se aty është edhe Mitrovica Veriore/Leposaviqi]) me gjashtë yje përmbi, e që simbolizon Kosovën Multi(ç)etnike, çka dhe s’mund të pritet diç më shumë nga një Paketë e imponuar nga shën Ahtisaari, e që po e quajmë ashtu siç po e quajmë sot.

Siç kuptova nga lajmet e agjensioneve të huaja (BBC, CNN, ARD, ZDF…) flamuri kuq e zi që valvitej këtyre ditëve anembanë shqiptarisë thanë se „që prej nesër do të jet i ndaluar në Kosovë, sepse është flamur që i përket një shteti tjetër – Shqipërisë“.

Nejse, mendoj se tash u sosën formalitetet (shpallja formale, flamuri/stema formal/e…) e radhën e ka që Pavarësia të vihet në jetë/jetësohet edhe praktikisht. E kjo është më kryesorja nga të gjithat, për të qenë me të vërtetë i pavarur.



***