[Zero Cool]

Të sqarohen Thaçi dhe Limaj


Mund ta them me përgjegjësi se përbrenda PDK-së, as Limaj, as unë dhe askush tjetër në asnjë fazë nuk e ka pas për qëllim t’ia zë vendin Hashim Thaçit. Reagimet e mia kanë qenë për ta demokratizuar dhe për ta bërë sa më transparente punës e partisë dhe vendimmarrjet në organet e partisë, thotë kryetari i Kuvendit të Kosovës dhe sekretari i Partisë Demokratike të Kosovës, Jakup Krasniqi





“Në fund të fundit, raportet e Fatmirit dhe Thaçit kanë qenë më të mira se raportet e mia me kryetarin. Ata kanë pasur raporte shumë të mira dhe ndoshta për raportet e tanishme ata do të duhej ta sqarohen në opinion”, ka thënë Krasniqi në një intervistë për Zëri, duke potencuar se është përpjekur që t’i balancojë grupimet e ndryshme dhe të unifikojë veprimin e qëndrimin e PDK-së.
“Tani në qeverisje janë krijuar raporte të reja, dhe unë natyrisht i kam shfaqur publikisht mendimet e mia”.

Kosova është shtet laik dhe në këtë mënyrë është përcaktuar e gjithë jeta publike në Kosovë. Për Krasniqin, kërkesa e Partisë së Drejtësisë për edukatën fetare në sistemin shkollor është e paarsyeshme dhe pa bazë kushtetuese.

“Mendoj se kërkesat e tilla as që do të mund të miratohen në kuvendin e Kosovës”.

Krasniqi nuk e sheh as të rrezikuar koalicionin e tashëm qeveritar.

“Nuk besoj se mund të na shantazhojë PD”, thotë Krasniqi, sipas të cilit tani gjendemi në fazën e ndryshimeve kushtetuese në sistemin zgjedhor.

“Një pjesë e mirë e subjekteve opozitare janë shumë të interesuara që të bëjnë ndryshime kushtetuese, e pastaj të shkohet në zgjedhje. Kjo është një nga arsyet që nuk e shoh të rrezikuar koalicionin”.