[Zanzi/M]

Terrorizmi islamik, me gjurmë të shfaqura që në shek. XI, aktualisht vepron në shumë pjesë të botës, një nga qëndrat e të cilit është edhe Lindja e Mesme, ku organizata terroriste islamike e besimtarë myslimanë ekstremistë për arritjen e synimeve të tyre fetare dhe politike përdorin sulmet kamikaze me avionë e autobomba, rrëmbimet, vrasjet e kokëprerje të njerëzve, vëtvrasjen me lëndë shpërthyese, dhunën e përdhunimin, rekrutimin e njerëzve përmes internetit, që kanë çuar në tragjedi të mëdha botërore me humbje jetësh njerëzore të pafajshme.
*

6.1 Problematika
Ky terrorizëm identifikohet si tepër problematik për paqen universale që prej vitit 1970 me personazhe ekstremiste e akt-ngjarje tragjike në rritje si në Lindjen e Mesme (veçmas në Izrael, Egjipt, Irak, Liban, Jordani), në Shtetet e Bashkuara të Amerikës (*si më**11 shtator 2001 në Ëorld Trade Center e Pentagon me afro 3000 viktima), në Azi (Indi, Afganistan, Pakistan, Filipine, Indonezi, Bangladesh, Rusi), në Europë (Spanjë, Mbretëri e Bashkuar, Francë, Turqi), në Afrikë (Sudan, Tanzani, Kenia, Somali), në Amerikën e Jugut (Argjentinë).
Në historinë moderne të shek. XXI terrorizmi islamik ka marrë përmasa tejet ekstreme e tragjike si një rrezik i përgjithshëm botëror, pasi vetëm në Irak në vitin 2005 janë kryer 400 akte terroriste nga kamikazë duke shkaktuar mbi 2.000 viktima, ndërsa në vitin 2006, sipas Qëndres Kombëtare të Studimeve Antiterroriste (SHBA), nga të gjitha sulmet terroriste të raportuara në botë numërojnë mbi 13.000 viktima pothuaj gjysma e tyre ndodhi në këtë vend duke sjellë 6.6000 viktima.
Ekstremizmi islamik, sipas statistikave të mbledhura nga Qendra Kombëtare Antiterroriste në SHBA, ishte përgjegjës për rreth 23 % e të gjitha akteve terroriste vdekjeprurëse në mbarë botën, dhe 56 % e të gjitha goditjeve vdekjeprurëse terroriste shkaktuar nga një terrorist.
*

6.2* Elementët:
Terrorizmi islamik mund të dallohet nga të gjitha format e tjera të veprimit terrorist, kryesisht në bazë të tre elementëve specifikë *ideologjikë:
Elementi i Parë: Terrorizmi islamik kategorikisht i refuzon të gjitha ideologjitë e tjera bashkëkohore.
Ai, si i tillë, vehten e konsideron të pashembullt dhe krejtësisht të veçantë nga të tjerët, të cilit nuk i ka mbetur gjë tjetër përveç arritjes së qëllimit të vet ose “vdekjes me shpatë në dorë”. Qëllimi themelor i terrorizmit islamik është rilindja islamike, e cila duhet të sjellë jo vetëm lirimin e të gjitha territoreve myslimane nga ndikimet perëndimore, por edhe pushtimin e tërë ruzullit tokësor nga besimtarët e vërtetë të Muhametit. Për realizimin e këtij qëllimi hyjnor, nuk duhen zgjedhur mjetet. Në të vërtetë, terrorizmi këtu e ka kuptimin e mjetit të përshtatshëm praktik, me të cilin vihet në lëvizje fondamendalizmi islamik si parakusht i rilindjes islamike, e cila do të ndikonte në krijimin e botës universale islame.
*********** Elementi i dytë: është prezantimi i tij si formë e luftës së shenjtë, e cila detyrimisht do të kurorëzohet me fitoren e plotë.
Në këtë drejtim, nuk bëhet dallimi në mes aktivitetit terrorist dhe formave të tjera të zhvillimeve luftarake .Grupet terroriste islamistë shpesh i cilësojnë veprimet e tyre si* Xhihad.Kërcënimet, përfshirë kërcënimet me vdekje, shpesh dalin në formën e fatva, Si myslimanët ashtu edhe jo-myslimanët kanë qenë shënjestër e sulmeve vdekjeprurëse terroriste, si p.sh. sulmet terroriste në Bali. Kërcënimet kundër myslimanëve shpesh dalin në formën e takfirit. Ky është një kërcënim me vdekje që ka të bëjë me ndëshkimin për femohimin në islam, i cili është vdekja, sipas shpjegimeve trashëgimore të ligjit të Sheriatit.
Elementi i tretë: krijimi i rregullave të detyrueshme të sjelljes islame.
*Sipas këtyre rregullave, detyrë e çdo besimtari, qoftë si individ ose komunitet islam, është vrasja e armiqve të Zotit “armiqtë tanë duhet të vriten, ndërsa të pafetë duhet ta zgjedhin vdekjen ose kthimin e tyre të detyrueshëm në fenë islame”.
Debatet rreth terrorizmit islamik përfshijnë: nëse shkaku i terrorizmit apo terroristëve është vetëmbrojtja apo shtrirja mësymëse, vetëvendosja kombëtare apo supremacia islamike; shënjestrat e terroristëve janë joluftuesit; nëse Islami dënon apo nganjëherë e dënon terrorizmin; nëse disa sulme janë terrorizëm islamistë, apo vetëm akte terroriste të kryera nga myslimanët ; sa përkrahen në botën islame terroristët dhe terrorizmi; nëse Konflikti Arabo-Izraelit është rrënja e terrorizmit islamik apo thjesht* një çështje.
Terrorizmi islamist apo dhuna islamiste është ajo formë e terrorizmit të veprimeve të dhunshme kundër joluftuesve, që zbatohet nga një person apo grup që cilësohet si islamik dhe që ndjek çështjen e islamizmit. Terrorizmi islamist nxitet në prapaskenë nga ideologjia fundamentaliste islamistë, ekstremizmi dhe fanatizmi fetar. Terroristët islamistë i përligjin veprimet e tyre në themelet e Islamit,* Kuranit dhe Sunës, ku ata shpjegohen sipas qëllimit.
*

6.3** Lufta kundër terrorizmi pas 11 shtatorit 2001
Sulmet terroriste të 11 shtatorit 2001 çuan deri në ndryshimin e politikave botërore. Terrorizmi i 11 Shtatorit transformoi politikat botërore e konfirmoi se bota s`do jetë më e njejtë si* pasojë e rritjes së terrorizmit* të frymëzuar nga feja. Ajo që e bëri 11 Shtatorin një moment vendimtar e simbolik është se ai mishëroi një forcë të re të terrorizmit duke qenë se rritja e tij është e lidhur ngushtë me globalizimin e politikave botërore. Ngjarjet tragjike të 11 shtatorit 2001 në Nju Jork dhe në Uashington hapën siparin e sfidës terroriste. Mund të thuhet se nga ajo kohë nuk ka më vend të sigurtë në botë, se dukuria e terrorizmit ka prishur çdo vatër qetësie e sigurie në glob, se strukturat e sigurisë, ato kombëtare apo ndërkombëtare,do të duhej të angazhoheshin seriozisht përballë një armiku të madh, të rrezikshëm dhe shumë të sofistikuar. Analiza e ngjarjeve të 11 Shtatorit 2001 dhe e veprimtarisë së shumë organizatave terroriste nxjerr në pah implikimin edhe të shteteve apo regjimeve diktatoriale në përkrahjen ndaj tyre.
Ka shtete të Lindjes së Mesme, në mënyrë të veçantë Irani dhe Siria që jo vetëm kanë lejuar instalimin e këtyre organizatave në territorin e tyre, por edhe i kanë financuar ato, sikundër edhe kanë patur përfitime prej tyre.Nga ana tjetër ,të dy këto shtete po ngrejnë struktura terroriste për destabilitet permanent në fqinjët e tyre, sidomos në Irak dhe* në Liban ndërsa Libia rënditet në ato shtete që fsheh apo strehon terroristë ndërkombëtarë.
Në Lindjen e Mesme ekzistojnë shumë organizata terroriste, të cilat çuan në prodhimin e terrorizmit ndërkombëtar, si një prej sfidave më të mëdha të sigurisë globale. Kriza e 11 Shtatorit 2001 e SHBA shpalosi për herë të parë ndërkombëtarisht terrorizmin
ndërkombëtar si elementi më kërcënues për demokracitë dhe Rendin e Ri Botëror që aspiron më shumë paqe, siguri,drejtësi dhe prosperitet ekonomik për të gjithë. Ngjarja e 11 Shtatorit 2001 në Nju York demonstroi ekzastësisht largpamësinë e liderëve të demokracive perëndimore se në kohët tona ekzistojnë mjaft kërcënime që kanë në target të tyre goditjen e vlerave dhe arritjen e demokracive. 11 Shtatori 2011 tregoi se nuk ka zonë të sigurtë në botë dhe se askush nuk mund të jetë i imunizuar nga rreziqet që mund të vijnë prej faktorëve të ndryshëm dhe se terrorizmi dhe krimi i organizuar janë shndërruar në kërcënim real për paqen, sigurinë, demokracinë dhe prosperitetin e vendeve dhe popujve.
Me rëndësi historike për ardhmërinë e paqes dhe stabilitetit në Lindjen e Mesme vijimi i pranisë së aleancës së madhe të SHBA në atë rajon për rindërtimin e Irakut, për të kërcënuar regjimin e rrezikshëm të Iranit, të Sirisë dhe për të shkatërruar veprimtaritë e një sërë organizatave terroriste lokale, rajonale, globale që kanë bazat e tyre në atë rajon dhe që mbështeten e sponsorizohen nga shtetet e përmendura më sipër për qëllimet e tyre strategjike agresive.
Ekspertët mendojnë se prania e kontributi i SHBA në rajonin e Lindjes së Mesme është një domosdoshmëri historike. SHBA shërben për ardhmmërinë e atij rajoni, për paqen e stabilitetin në botë, për prestigjin e fuqisë më të madhe demokratike të kohës, për ruajtjen e ekuilibrave të qëndrueshme në menaxhimin e tregut energjitik ndërkombëtar, për përspektivën e demokracisë si dhe për fizionominë e rendit të ri botëror. Dhjetë vjetori i sulmeve terroriste të 11 Shtatorit, një ngjarje që në shumë aspekte përcaktoi dhe dinamikën e marrëdhënieve të SHBA me popujt e vendeve të Lindjes së Mesme në këto dhjetë vjet, e gjen rajonin në një proçes transformimi revolucionar të njohur si Pranvera Arabe.Pranvera Arabe ka qenë zhvillimi më i rëndësishëm në këtë drejtim dhe SHBA, edhe pse hezitues në fillim, përqafuan drejtimin e duhur duke mbështetur aspiratat e popujve të rajonit në rrëzimin e diktaturave. Teksa ndikimi politik i SHBA në rajon është zbehur, Amerika vazhdon të ketë atë që quhet, soft power, influenca kulturore nëpërmjet paraqitjes së një modeli që është tërheqës për miliona të rinj të Lindjes së Mesme. Sulmet terroriste të 11 shtatorit të vitit 2001 mbi kullat binjake dhe Pentagon dhe sulmi i mundshëm i një avioni tjetër mbi Shtëpinë e Bardhë, ose Camp David bënë që politika amerikane të orientohet shumë drejt luftës kundër terrorizmit. Pas 11 shtatorit 2001 filloi lufta e organizuar kundër terrorizmit. SHBA shtoi operacionet ushtarake, presionin ekonomik dhe dhe atë politik mbi grupet që akuzoheshin si terroriste, si dhe mbi shtetet që akuzoheshin se i kishin mbështetur ata.
Terrorizmi në Lindjen e Mesme po merr ngjyra fetare të radikalizmit islamik. Synimet e tij janë si më poshtë: destabilizimi i rendit ndërkombëtar dhe delegjetimimi i vlerave dhe kulturës perëndimore. Për rrjedhojë terrorizmi në Lindjen e Mesme kërkon t`i transferojë problemet e rajonit në të gjithë botën sipas parimit, “kur ne kemi problem, atëherë këto probleme janë për të gjithë njerëzimin”. Terrorizmi në Lindjen e Mesme duket se ka evoluar në drejtim të organizatave fondamentaliste islamike si Al Kaeda, Hamas, Hezbollah-u. Shumica e terroristëve që realizuan 11 shtatorin në shumicën e tyre ishin nga Lindja e Mesme çfarë tregon se rajoni mbetej vatra e terrorizmit ndërkombëtar
*

6.4* Grupet terroriste:
Departamenti Amerikan i Shtetit në vitin 2012 ka klasifikuar në “listën e zezë” 50 organizata terroriste në botë, nga të cilat 25 prej tyre kanë qëndrat në Lindjen e Mesme:
*

Tabela 3
Organizata terroriste në “Listën e zezë” të SHBA
*
Shtetet Arabe
**************** Organizatat* terroriste*
Palestina
Abu Nidal Organization (ANO)
Army of Islam
Al-Aqsa Martyrs Brigade (AAMS)
HAMAS (Islamic Resistance Movement)
Islamic Jihad Union (IJU)
Palestine Liberation Front (PLF)
Palestinian Islamic Jihad (PIJ)
Popular Front for the Liberation of Palestine (PFLP)
PFLP-General Command (PFLP-GC)
Libani
Asbat al-Ansar
Hezbollah (Party of God)
Arabia Saudite
Al-Qa’ida* (Global)* (AQ)
Al-Qa’ida in the Arabian Peninsula (AQAP)
Al-Qaida in the Islamic Maghreb (formerly GSPC)
Iraku
Ansar al-Islam (AAI)
Kata’ib Hizballah (KH)
Al-Qaida in Iraq (AQI)
Tanzim Qa’idat al-Jihad fi Bilad al-Rafidayn (QJBR)
Egjipti
Gama’a al-Islamiyya (Islamic Group)
Libia
Libyan Islamic Fighting Group (LIFG)
Siria
Kongra-Gel
Maroku
Moroccan Islamic Combatant Group (GICM)
Irani
Mujahedin-e Khalq Organization (MEK)* Jundallah
Izraeli
Kahane Chai (Kach)
Turqia
Revolutionary People’s Liberation Party/Front (DHPC)
Somalia
Al-Shabaab
*

Al Kaeda është një organizatë terroriste globale e themeluar nga Osama Bin Laden. Al Kaeda ka goditur objektiva ushtarake dhe civile në shtete të ndryshem si vendosjen e bombave në ambasadat amerikane në vitin 1998, sulmet e 11 shtatorit 2001, vendosjen e bombave në qytetin turistik Bali të Indonezisë, atentatet me bomba në Madrid dhe Londër, e të tjerë. Osama Bin Laden ishte lideri historik i Al Kaedës dhe shefi i Operacioneve të kësaj organizate deri në vrasjen e tij me 1 maj të vitit 2011. Në vitin 2006 është llogaritur se Al Kaeda ka disa mijëra njerëz të trajnuar që veprojnë në 40 shtete të botës dhe se 200-300 antarë të saj janë komandues aktivë.
Xhihadi Islamik është një grup islamist palestinez me qëndër në Damask që angazhohet në shkatërrimin e Izraelit. Nga 1983 e tutje, ajo është përfshirë në “një varg sulmesh të dhunshme, të profilit të lartë” ndaj objektivave izraelite. Duke filluar nga shtatori i vitit 2000, ajo filloi një fushatë sulmesh vetëvrasëse kundër civilëve të bombardimeve izraelite. Xhihadi Islamik është një grup militant palestinez që operon në territoret palestineze, veçanërisht në Rripin e Gazës. Një pjesë e parave të mbledhura nga trafiku i drogës është përdorur për të financuar operacionet e organizatave terroriste të tilla si Hezbollah, Xhihadi Islamik.Në shoqëritë perëndimore termi xhihad është përkthyer shpesh nga jomyslimanët si “luftë e shenjtë” Xhihadi ka si qëllim përfundimtar arritjen e sundimit musliman në gjithë globin.Sot, xhihadi është burimi kryesor në botën e terrorizmit, duke frymëzuar një fushatë në mbarë botën të dhunës nga grupet e vetëshpallura xhihadiste: