[Artisti]

DPA: Kundërthënës propozimi i BE-së për fusnotën

Agjencia gjermane e lajmeve DPA e quan kundërthënës propozimin e BE-së për fusnotën që parashihet të përdoret për Kosovën në takimet rajonale, pasi ajo përmban edhe pavarësinë edhe Rezolutën 1244. Agjencia thotë se qëllimi i politikës së Brukselit dhe i shumë vendeve të BE-së, është që Serbia të marrë statusin e vendit kandidat...
.Postuar: 11:44:25 / 21.02.2012

Agjencia gjermane e lajmeve DPA, fillimisht në analizën e saj shkruan se kompromisi për përfaqësimin e Kosovës në konferencat ndërkombëtare, është kërkesë qendrore e Bashkimit Evropian ndaj Beogradit, i cili deri më tani ka bojkotuar të gjitha takimet multinacionale, nëse në to kanë marrë pjesë përfaqësuesit e Prishtinës.

Sipas DPA-së, propozimi që ka bërë Bashkimi Evropian për zgjidhjen e problemit të përfaqësimit të Kosovës paraqet një kundërthënie në vetvete.

Në tabelën me emrin e Kosovës do të ketë dy fusnota, njëra e deklaron Kosovën si pjesë të Serbisë, tjetra nënvizon pavarësinë e saj.

DPA-ja shkruan se ndërmjetësi i BE-së, Robert Cooper, deri më tani ka njoftuar për disa kompromise, por menaxhimi i përbashkët i kufijve mes Kosovës dhe Serbisë është aq i komplikuar, saqë nuk do të mund të zbatohet edhe për një kohë të gjatë.

DPA-ja shkruan më tutje se Serbia nuk ka plotësuar asnjë kërkesë të BE-së që nga samiti i dhjetorit, kur asaj iu refuzua statusi i kandidatit.

Qëllim i kësaj politike të Brukselit dhe të shumë vendeve të BE-së, sipas DPA-së, është që Serbia të marrë statusin e vendit kandidat.

RTK





E tepërta të mbet në fyt!

Si duket Zotëri Thaçit i ka ardhur fundi.

Deri sa të gjithë ishin jo edhe aq brutal me Kosovën, Kosova duronte, në momentin që u munduan ta pushtonin, Kosova ngriti zërin dhe i shkatërroi kokat e pushtuesve.

Si duket edhe Zotëri Thaçi po punon për momentin në drejtim të pushtimit të Kosovës.

Këtë nuk e duron Kosova edhe këtë kokë do ta shkatërroj!



.