[ZARATUSTRA]

Thyerja e një miti
E çara e parë në tabllonë e Nënë Terezës ishte dokumentari „Engjëlli i ferrit“ nga Christopher Hitchens (1994), i pasuar me 1995 nga një pamflet 100-faqësh me titull „Pozicioni misionar“. Të dy trajtojnë në vija themelore akuzat e njëjta në një formë tejet polemiste. Librit i mungojnë burimet e të dhënave, mirëpo faktet e pranishme në të janë përgjithësisht të pakundërshtueshme. Për shkak të stilit dhe të rolit prej „luftëtari të vetmuar“ të Hitchens-it, ishte relativisht lehtë që të injorohej nga kritika. Në fakt, një pjesë e madhe e veprës së Hitchens-it mbështetej në hulumtimet e hindianit Aroup Chatterjee që jeton në Britani të Madhe, i cili kishte vizituar dhe filmuar operacionet e Nënë Terezës, kishte intervistuar pjesëmarrërsit dhe kishte testuar reagimin e murgeshave ndaj ndodhive të caktuara. Libri i Chatterjeesë, në raport me të cilin ai i Hitchens-it duket si një hartim shkollor, doli sivjet nga botimi.
Teksti i plotë i ”Verdiktit final” i cili mund të tërhiqet nga Website i shtëpisë botuese “Meteorbooks” është një libër me mbi 400 faqe me burime plotësisht të dokumentuara, një qërim i rreptë hesapesh me veprën jetësore të Terezës.
Pas konsultimit të dokumentacionit nga informatat e parashtruara, nga miti i një shënjtoreje modeste mbetet fare pak. Hitchens sheh tek Tereza para së gjithash kënaqjen e nevojës për të besuar se “dikush, – kushdoqoftë ai/ajo, – po kujdeset për të varfërit e botës së tretë, kështu që mua s’më mbetet për të bërë gjë”. Në fakt, miti është para së gjithash produkt i komplotit të heshtjes nga mediat perëndimore. Libri i Chatterjee-së gjer më tani është injoruar gjithandej, me gjithë faktin se cilitdo të interesuar i ofron video, audio-incizime dhe dokumentacione të tjera nga hulumtimet e tij. Ashtu si dhe storia e Hunzingerit, edhe e vërteta mbi Agnesë Gonxhe Bojaxhiun është një histori që nuk e ha tregu.