[ZARATUSTRA]

Bota e Terezës
Duke pasur parasysh këto, mund të jemi pothuajse të lumtur që urdhri i Terezës nuk i ka mbledhur togje-togje, nga rruga, hallexhinjtë, siç pohon ajo në fjalimin e saj të Çmimit Nobel. Urdhri disponon, ç’është e vërteta me autombulanca, mirëpo këto janë pajisur me mindere për t’u konvertuar kështu në „Taxi murgeshash“, në të cilët ndonjëherë transportohen dhe pula për festën vjetore, me transportin e të sëmurëve, ndërkaq, s’kanë të bëjnë fare. Chatterjee ka kanstatuar, pas shumë thirrjeve provuese tek motrat, se telefonuesit udhëzohen për t’iu drejtuar urgjencës zyrtare (kush s’di anglisht, këtu hyjnë një pjesë e madhe e të varfërve, as që mund të komunikojë me motrat). Murgeshat, gjithashtu, as që janë ndonjëherë në rrugë e sipër për të mbledhur njerëz nga rrugët, përkundrazi, të sëmurët do të përplasen para derës, nëse kanë farefis, qofshin ata po aq të varfër ose të largët.
Tereza vazhdimisht i ekzagjeronte përmasat e operacioneve të saj. Ajo fliste një herë për 4000, ndërsa vitin tjetër për 9000 njerëz në Kalkuta që merrnin ushqim prej saj. Chatterjee, i cili për ditë të tëra filmoi zierjen dhe shpërndarjen e supës, numrin e përgjithshëm të të ushqyerve në Kalkuta e vlerëson në më së shumti 300 (treqind) veta. Krahas kësaj, kërkohej pjesërisht nga klientët që të tregonin Kartën e ushqimit, sigurimi i së cilës ishte i komplikuar („Karta të tilla kanë të gjitha familjet e pakta katolike në Dnarapara“ – nënvizon thatë Chatterje). Mirëpo mediat nuk pyesin kurrë për shifrat.
Në një vend tjetër qarkullonte shifra fantastike prej "61273 foshnjave", që nuk u lindën pasiqë Nënë Tereza mësonte mbi parandalimin e natyrshëm të shtatzanisë (të ashtuquajturën “metodë kalendarike”, të lejuar sipas doktrinës së krishterë pasiqë kërkon një abstinencë parciale). Në fakt, më të varfërit e të varfërve në Kalkuta, ashtu si dhe në qarqet tjera administrative katolike, duhej të mësonin dhe të llogarisnin sipas kalendarit se kur guxojnë të kenë seks. Kjo metodë fare e pasigurt është e lejueshme, ndërsa përdorimi i kondomëve çmohet si vrasje e një jete të mundshme. Përpos kësaj, sipas linjës zyrtare katolike, kondomët qenkëshin të pasigurt, (“ata paskëshin një vrimë”). Kontracepcioni natyral është i sigurt dhe i besueshëm, ndërsa kondomët janë vrasës jetësh dhe nuk funksionojnë: me këtë propagandë kisha favorizon urinë, sëmundjet dhe vdekjet masive, gjithkund ku puçen varfëria me katolicizmin – ndërsa Nënë Tereza gjithë jetën e saj ishte një përfaqësuese fanatike e kësaj ideologjie. Urdhri i saj, që vepron në tërë botën, konstaton Chatterjee në kapitullin 7, në asnjë rast nuk i përmbush funksionet karitative, në vend të tyre murgeshat, si ato në Papua dhe në Guinenë e Re, kanë përgjegjësinë e të konvertuarit të të posalindurve.
Ajo predikonte po aq rreptë kundër kondomëve sa edhe kundër abortit, sa herë që ishte në rrugë e sipër nëpër misionet e saj politike. S’ia vlen të shtohet se abortin ajo e mbante absolutisht të palejueshëm edhe në rastet incestioze apo të dhunimeve masive, duke nxitur njëkohësisht lobizmin internacional për ligjet përkatëse që do të trajtonin këtë subjekt.
Për të kishte rëndësi jeta e palindur, se ç’qëndrim mbante ajo për atë të lindurën, e shprehu qartë në një vizitë që bëri në Haiti më 1981: “Zonja presidenteshë, dheu po fërgëllon nga vepra juaj jetësore” – u ngazëllye ajo përballë bashkëshortes së diktatorit Jean-Claude “Beby Doc”. Qëllimi i shenjtëronte mjetet që urdhri i saj do të merrte si dhuratë nga junta.