[ZARATUSTRA]

Milionat e Terezës
Paratë, ato s’i mjaftonin kurrë Terezës. Ish motra e urdhrit, Suzan Schields, konstatonte në artikullin e saj me titull „Shtëpia e iluzioneve e nënë Terezës“: „Paratë vinin furishëm. Postjeri na i sillte letrat shpesh me thasë. Merrnim rregullisht çeqe me nga 50 mijë dollarë e më shumë. Mirëpo se ku mbeteshin ato, këtë nuk e dinte Schields, ndërkaq në rrethanat jetësore të kursyera të urdhrit nuk ndryshonte asgjë, drejtuesja e urdhrit fliste vendosmërisht kundër shpenzimit të të hollave për blerjen psh. të aparaturave të reja mjekësore. Madje as edhe buka për të varfrit e Bronxit në Nju Jork, ku shërbente Schields, nuk blihej. Sipas Schields, në konton e urdhrit brenda një viti janë hedhur 50 milionë dollarë.
Motrat, ndërkaq, kishin porosi strikte që të mos ushtronin kontabilitet ekzakt, kështuqë gjendja financiare e urdhrit mbetet e paqartë. Me siguri që është fjala për një ndërmarrje miliardash. Krahas çmimeve të larta, Tereza merrte dhe donacione nga burime tejet të dyshimta, si psh. prej mashtruesit Charles Keating, njërit nga luftëtarët më prominentë të Amerikës kundër pornografisë. Për shkak të rolit që pati ai në skandalin financiar Savings & Loan, u dënua me 12 vjet burg. Nënë Tereza i dërgoi një letër gjykatësit me lutjen për ta falur – kështu u kthehet e mira miqëve të vjetër. Prokurori iu përgjigj si person privat dhe iu lut Terezës që t’i kthente të hollat, të cilat Keating-u ua kishte zhvatur pjesërisht njerëzve që jetonin në kushte varfërie, njerëzve që kishin humbur bashkë me të ardhmen të gjitha kursimet e tyre. Natyrisht që nga Tereza nuk erdhi përgjigje.
Nënë Tereza së bashku me mashtruesin financiar Charles Keating, i cili urdhrit të saj i kishte bërë një donacion milionësh.
Pas gjykimit të Keating-ut, Tereza u angazhua për lirimin e tij. Paratë ndërkaq nuk i ktheu.
Shpjegimi i përgjithshëm për sadakanë milionëshe të Keatingut ishte se zotëria kishte kërkuar absolucion (falje mëkatesh). Të jetë e besueshme? Përse vallë edhe protestanët amerikanë mbështesin marshimet triumfale të Terezës me para dhe media? Revista “Stern” spekuloi lidhur me milionat e Terezës në një artikull, sikur ato thjesht të kenë ateruar në kontot e Vatikanit: “Dhe çfarë ndodh me paratë nga banka e Vatikanit është një gjë aq e fshehtë sa s’guxon ta dijë as dhe i madhi zot.” Skandalet e bankës së Vatikanit dhe përzierja e saj në larje parashë të pista, në tregtinë me narkotikë dhe me gjithçka tjetër fitimprurëse përbëjnë një legjion. (Sipërmarrësit italianë provuan më kot që ta hiqnin nga kinematë filmin mbi vdekjen e Calvit me titull “Bankierët e zotit”). Dhe cila organizatë do të ishte më e përshtatshme për larje parashë se sa urdhri i Nënë Terezës, për shenjtërinë dhe mirësinë e të cilit askush s’do të merrte guxim të interesohej. Po të shtojmë këtu dhe lidhjen e dokumentuar të Muggeridges me CIA-n, nuk është nevoja të jesh një teorik komplotesh për të parë këtu diçka më shumë se sa një grua plakë naive me fare pak haber mbi kontabilitetin.