[regi_05]

Islami asnjëherë nuk ka shtrënguar ndonjë person të bëhet musliman. Gjithmonë është deklaruar një liri e plotë për të ndjekur fenë vetjake dhe nuk ka obliguar asnjë të perqafojë Islamin. Kjo e drejtë është dokumentuar në Kur’an dhe Sunnet:

Sikur të kishte dashur Zoti yt, do t’i besonin çka janë në tokë që të gjithë. A ti di t’i detyrosh njerëzit të bëhen besimtarë? (Yunus 99)
Në fe nuk ka dhunë. Është sqaruar e vërteta nga e kota. E kush nuk i beson tagutët , e i beson All-llahut, ai është kapur për lidhjen më të fortë, e cila nuk ka këputje. All-llahu është dëgjues i dijshëm. (El Bekare 256)
E ti thuaj: “E vërteta është nga Zoti juaj, e kush të dojë, le të besojë, e kush të dojë, le të mohojë. Ne kemi përgaditur për jobesimtarët zjarr që muret e tij (të flakës) i rrethojnë ata, e nëse kërkojnë shpëtim, ndihmohen me një ujë si katran që përzhit fytyrat. E shëmtuar është ajo pije, e vend i keq është ai”. ( El Kehf 29)

Në fe nuk ka dhunë. Është sqaruar e vërteta nga e kota. (El Bekare 256)

Islami nuk është kufizuar vetëm në lirinë fetare ndaj jomuslimanëve, por ligji i tij është aq tolerues saqë ua lehtëson funksionet religjoze dhe të ruajnë faltoret e tyre:

(U lejuan të luftojnë) Ata, të cilët vetëm pse thanë: “All-llahu është Zoti ynë!” u dëbuan pa kurfarë të drejte. E sikur All-llahu të mos i zbrapste disa me disa të tjerë, do të rrënoheshin manastirët, kisha, havrat e edhe xhamitë që në to përmendet shumë emri i All-llahut. E All-llahu patjetër do ta ndihmojë atë që ndihmon rrugën e Tij, se All-llahu është shumë i fuqishëm dhe gjithnjë triumfues. (El Haxhxh 40)


Prof. Saleh Al-Ayed, Të drejtat e jomuslimanëve në shtetet islamike

Kërkoj falje Allahut nëse kam gabuar diçka se kam bërë një përkthim të vogël nga italishtja,(ajetet Kur'anore nuk i kam përkthyer unë).